Ndërroi jetë në moshën 78-vjeçare – çfarë ndikimi kishte Beckenbauer në zhvillimin e futbollit gjerman?

Franz Beckenbauer, një figurë e madhe e futbollit, e udhëhoqi Gjermaninë Perëndimore drejt Kupës së Botës si lojtar në vitin 1974 dhe si trajner në vitin 1990, duke fituar reputacion si njëri ndër lojtarët më të mirë në histori të këtij sporti.

Një lojtar që shquhej për aftësitë e tij teknike dhe taktike, pasi ka revolucionarizuar pozicionin e tij si qendërmbrojtës dhe pikërisht për këtë arsye mori nofkën “Der Kaiser”.

“Der Kaiser” ose ndryshe Perandori, për aftësinë e tij që kishte për të kontrolluar tempon e lojës dhe për të shënuar gola, ani pse pozicioni i tij ishte që t’i evitonte ata.

Ai e udhëhoqi Gjermaninë Perëndimore në dy finale të Kupës së Botës: Në vitin 1996, ku humbën ndaj Anglisë në kohën shtesë dhe në 1974, ku e fituan këtë trofe pasi mposhtën në finale Holandën me rezultat 2-1.

Lexo po ashtu Yje të futbollit botëror dhe personalitete tjera të njohura, bëjnë homazhe pas vdekjes së Beckenbauer

Ndërkohë si trajner, ai ishte në krye të Gjermanisë në edicionin e vitit 1990 të Kupës së Botës, aty ku e fitoi këtë trofe për herë të dytë pas triumfit ndaj Argjentinës së Diego Maradonës.

Gjatë karrierës së tij ai ka fituar trofe të ndryshëm si në aspektin kolektiv ashtu edhe në atë indiviudal.

Beckenbauer ka fituar Kupën e Botës dhe Evropianin me Gjermaninë, 12 tituj me Bayern Munichun, si dhe dy herë fitues i Topit të Artë dhe një herë fitues i çmimit ‘Lojtari evropian i vitit’.

Më vonë si një shef ekzekutiv, Beckenbauer ndihmoi Gjermaninë që të sigurojë të drejtat e organizimit të Kupës së Botës 2006.

Lexo po ashtu Beckenbauer ishte dekoruar me çmimin Ambasador Nderi i Kosovës

Sidoqoftë, reputacioni i Beckenbauer “u dëmtua” në vitin 2018 kur ai akuzohej se ishte pjesë e një “mashtrimi”, që bëri që Rusia dhe Katari të fitojnë të drejtën e organizimit të Kupës së Botës 2018 dhe 2022 respektivisht.

Beckenbauer, së bashku me brazilianin Mário Zagallo dhe Didier Deschamps të Francës, ishte një nga tre personat e vetëm që fitoi Kupën e Botës si lojtar dhe si trajner./Telegrafi/