Katër lojtarë e Barcelonës që mund të përfitojnë nga ardhja e Vitor Roque

Vitor Roque do të jetë në Barcelonë javën e ardhshme. Megjithëse braziliani është ende shumë i ri, nënshkrimi i tij duhet të shërbejë si një nxitje për të gjithë skuadrën dhe disa lojtarë në veçanti.

Robert Lewandowski

Polaku më në fund do të ketë një konkurrent që duhet ta detyrojë atë të bëjë më mirë këtë sezon – Lewy ose do të përmirësohet ose do të bëhet një lojtar që do e ‘ngrohë’ bankinën në këto rrethana.

Lexo po ashtu Sensacion në La Liga, diçka që shpresohet ta ndjekin edhe ligat botërore

Këtu janë statistikat e Vitor Roque për Athletico Paranaense në 2023:

– 45 ndeshje

– 21 gola

– 8 asistime

Lexo po ashtu Napoli nën presion të madh para përballjes me Barcelonën në Ligën e Kampionëve

18-vjeçari me siguri do të përfitojë nga të luajturit me Lewandowskin gjithashtu – ai do të jetë në gjendje të mësojë nga një prej sulmuesve më të mëdhenj të shekullit.

Pedri

Statistikat për golat e pritshëm dhe asistimet dëshmojnë se Pedri duhet të ketë të paktën tri asistime deri tani. Realiteti është i ashpër – një asistim në Ligën e Kampionëve dhe zero në La Liga këtë sezon. Ky ishte problemi edhe sezonin e kaluar.

Shkalla e konvertimit të Vitor Roque është mjaft e mirë – 12 gola në ligë me gola të pritshëm prej vetëm 8.8, sipas Fbref. Ai do t’i jepte shpresë Pedrit për më shumë raste për t’u kthyer në gola.

Lexo po ashtu Te Barcelona po shpërthen skandal pas skandali - tani përfshihen edhe stafi menaxhues

Raphinha

Bashkëatdhetari i Vitor Roque mund të ketë një rritje të besimit duke luajtur përkrah 18-vjeçarit si te Barça ashtu edhe në ekipin kombëtar. Lidhja e tyre e mundshme është diçka që mund të revolucionarizojë sulmin e katalunasëve.

Meqë ra fjala, adoleshenti e ka përmendur së fundmi Raphinhan si një nga lojtarët me të cilin mezi pret të luajë.

Lexo po ashtu De Zerbi dhe dy kandidatë më të mundshëm për t'u bërë trajnerë të Barcelonës sezonin e ardhshëm

Ronald Araujo

Çuditërisht, uruguaiani u tha se ishte lojtari që shtyu më shumë për lëvizjen e Vitor Roque.

Edhe pse ata rrallë do të lidhen në fushë, ardhja e brazilianit mund të bëhet vërtet një shtysë mendore për Araujon që do të mbyllte plotësisht derën për lëvizjen e mundshme të Bayernit. /Telegrafi/