Kryeministri i Kosovës, Albin Kurti, të dielën ka pritur në takim politikanin liberal nga Serbia, Çedomir Jovanoviq.
Siç njofton Kryeministria, ata biseduam rreth zhvillimeve të fundit në Kosovë dhe Serbi dhe raportet ndërmjet dy vendeve.
“Gjithashtu folën për nevojën e fuqizimit të sundimit të ligjit në Ballkanin Perëndimor, rëndësinë e demokratizimit të shoqërive dhe institucioneve, pluralizmit politik, respektimit të të drejtave të njeriut dhe të pakicave kombëtare si garant të paqes dhe sigurisë në gjithë rajonin.”, thuhet në komunikatë.
Ndërsa Jovanoviq, ka deklarar se për Kosovën duhet thënë e vërteta.
“Kurtin e njoh prej 30 vitesh, ai dhe unë kemi kaluar shumë në jetën tonë dhe pas këtyre bisedave besoj se gjaku i derdhur në Banjskë është gjaku i fundit i derdhur në konfliktin mes popullit serb dhe shqiptar në Kosovë…”, ka thënë Jovanoviq.
“Ne kemi zgjedhje së shpejti dhe Serbia po ngec nën barrën e Kosovës. Duhet thënë e vërteta dhe duhet marrë një rrugë tjetër. Të gjithë e dini se kam thënë të vërtetën shumë kohë më parë, më shumë se 20 vjet më parë, dhe për këtë jam cilësuar si tradhtar”, u shpreh ai.
“Sot, shumë njerëz e kuptojnë se unë bëra atë që duhej të bëja, sepse e dua popullin tim dhe e di që nuk mund t’i dua dhe t’u uroj mirë serbëve pa pasur forcën t’i dua shqiptarët e Kosovës dhe të përpiqem t’i kuptoj ata”, tha ai.
Jovanoviq thotë se beson në shoqërinë serbe dhe aftësinë e saj për të mbështetur ndryshimet politike që i nevojiten në mënyrë që të gjithë në Kosovë të gjejnë qetësinë e tyre, dhe ne të drejtën për një fillim të ri.
Më tej, Jovanoviq ka treguar se çfarë e ka pyetur kryeministri kosovar për Beogradin.
“Kurti: A është Beogradi aq interesant dhe i bukur sa kur ishim studentë? Jovanoviq përgjigjet “edhe më interesant dhe më bukur shumë…si Prishtina!”, ka shkruar Jovanoviq në rrjetin social “X”.
Qedomir Jovanoviq, është lideri i Partisë Demokratike Liberale të Serbisë, tani është në dekadën e tretë të angazhimit të tij në politikë.
Ai ishte një prej figurave që udhëhoqën protestat e studentëve kundër Slobodan Millosheviqit në vitet 1996-97.
Më vonë, në vitin 1997, ai u bë pjesë e Partisë Demokratike Serbe, parti kjo që kritikonte haptas Miloseviqin; kur ai u rrëzua në vitin 2000, në atë që njihet si Revolucioni i 5 tetorit, Jovanoviqi u zgjodh si deputet.
Jeta politike e Jovanoviqit ka qenë përplot me probleme për shkak të besimeve të tij, veçanërisht mbështetjen e tij të hapur për pavarësinë e Kosovës. Atë e kanë kërcënuar me vdekje disa herë; në vitin 2001, ai i mbijetoi një atentati kur u aktivizua një bombë në veturën e tij.
Jovanoviqi njihet për rolin e tij në negociatat që u mbajtën në shtëpinë e Millosheviqit në vitin 2001. Nëpërmjet këtyre negociatave u mundësua dorëzimi i diktatorit serb në Tribunalin e Organizatës së Kombeve të Bashkuara për krime të luftës në Hagë.
Në vitin 2005, pasi u nda nga Partia Demokratike, ai e themeloi Partinë Liberale Demokratike./Telegrafi/
Kurti:”da li je Beograd interesantan i lep kao onda kada smo bili studenti?” ja:” i interesantniji i lepsi, mnogo…kao i Pristina!” pic.twitter.com/MtKNsfwNYA
— Čedomir Jovanović (@Ceda_Jovanovic) December 3, 2023
Promo
Reklamo këtuLufta Prigozhin - Putin
Më shumëNdjehen lëkundje toke në Kosovë
Hoxhaj i reagon ashpër ministrit të jashtëm ukrainas që u takua me Gjuriqin në Serbi
Nis takimi mes kryeministrit Albin Kurti dhe kryetarit të PDK-së, Memli Krasniqi
U vra me plumb në kokë rrugës për në punë, polici në Fier ishte i fejuar, iu prenë ëndrrat në mes
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
MPJD refuzon kërkesën e patriarkut serb Porfirije për të vizituar Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Pamjet tregojnë ‘Old Trafford’ drejt shkatërrimit – Ronaldo kishte të drejtë kur foli për kushtet e klubit
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Wayne Rooney zbulon skandalin e lojtarëve të Man United - nëse vërtetohet do ketë pasoja
Ish-ylli i Liverpoolit zbulon trajnerin e ardhshëm të Man United – thotë se ia tregoi një lojtar aktual i tyre
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron