Çedomir Jovanoviq në Prishtinë, thotë se ka biseduar me Kurtin: Për Kosovën duhet thënë e vërteta

Kryetari i Partisë Liberal Demokratike të Serbisë, Çedomir Jovanoviq, ka thënë sot se ka biseduar me kryeministrin e Kosovës, Albin Kurti.

“Kurtin e njoh prej 30 vitesh, ai dhe unë kemi kaluar shumë në jetën tonë dhe pas këtyre bisedave besoj se gjaku i derdhur në Banjskë është gjaku i fundit i derdhur në konfliktin mes popullit serb dhe shqiptar në Kosovë…”, ka thënë ndër tjerash Jovanoviq në një postim në rrjetin social X, përcjell Telegrafi.

Ai gjithashtu citohet të ketë thënë se “nuk duhet të heshtim për Kosovën”.

Kurti:”da li je Beograd interesantan i lep kao onda kada smo bili studenti?” ja:” i interesantniji i lepsi, mnogo…kao i Pristina!” pic.twitter.com/MtKNsfwNYA

— Čedomir Jovanović (@Ceda_Jovanovic) December 3, 2023

“Ne kemi zgjedhje së shpejti dhe Serbia po ngec nën barrën e Kosovës. Duhet thënë e vërteta dhe duhet marrë një rrugë tjetër. Të gjithë e dini se kam thënë të vërtetën shumë kohë më parë, më shumë se 20 vjet më parë, dhe për këtë jam cilësuar si tradhtar”.

“Sot, shumë njerëz e kuptojnë se unë bëra atë që duhej të bëja, sepse e dua popullin tim dhe e di që nuk mund t’i dua dhe t’u uroj mirë serbëve pa pasur forcën t’i dua shqiptarët e Kosovës dhe të përpiqem t’i kuptoj ata”, tha ai dhe shtoi se sot “ai gjithashtu beson në shoqërinë serbe dhe aftësinë e saj për të mbështetur ndryshimet politike që i nevojiten në mënyrë që të gjithë në Kosovë të gjejnë qetësinë e tyre, dhe ne të drejtën për një fillim të ri”.

na putu za Pristinu na sastanak sa Kurtijem, zao mi je sto ne mozete da vidite reakcije srpskih i albanskih policajaca, Srbin kaze “daj pomozi da se razumemo” Albanac sa osmehom dok pruza ruku “dobrodosao na Kosovo Srbine, mir nam cuvaj pa da svi zivimo” pic.twitter.com/7EfD8alPVD

— Čedomir Jovanović (@Ceda_Jovanovic) December 3, 2023

Mediat serbe kujtojnë se Jovanoviq ka thënë më herët gjatë ditës së sotme se po udhëtonte për në Prishtinë për një takim me kryeministrin e Kosovës.

Çedomir Jovanoviq është bartësi dhe i pari në listën “Çedomir Jovanoviq – Duhet të jetë ndryshe” për zgjedhjet parlamentare të 17 dhjetorit në Serbi. /Telegrafi/