Superkompjuteri parashikon shanset e Man United për t’u kualifikuar në mesin e 16 më të mirave në Ligën e Kampionëve

Liga Premier mund të përfaqësohet nga vetëm dy klube në fazën e eliminimit direkt në Ligën e Kampionëve, me Manchester United dhe Newcastle që mund të ballafaqohen me eliminim nga faza e grupeve.

United dhe Newcastle momentalisht gjenden në pozitën e katërt dhe pozitën e tretë respektivisht, teksa tashmë kemi hyrë në xhiron finale të grupeve.

“Djajtë e Kuq” nuk morën më shumë se një pikë mbrëmjen e së mërkurës pas ballafaqimit me Galatasaray që u mbyll me rezultat 3-3.

Skuadra e Ten Hag pati një epërsi prej dy golave të cilën nuk arritën dot ta menaxhojnë mirë dhe tani do të duhet të mposhtin Bayernin dhe të shpresojnë që Galatasaray dhe Kopenhaga të ndahen ne paqe, për të siguruar kalimin në mesin e 16 më të mirave.

Një barazim i dhimbshëm me rezultat 1-1 ndaj PSG-së, në të cilën ekipi francez mori një penallti që shkaktoi shumë polemika pas ndeshjes, do të thotë që Newcastle duhet të mposhtin Milanin në xhiron e fundit të grupit dhe të shpresojnë që PSG-ja lëshon pikë ndaj Dortmundit, për të avancuar tutje.

Euro Club Index ka publikuar me përqindje mundësinë e kualifikimit të ekipeve në secilin grup dhe kjo nuk i shkon përshtati Unitedit dhe Newcastle.

4⃣ teams for the #ChampionsLeague last-16 still to be decided

Group A
5⃣9⃣% 🇩🇰København
3⃣3⃣% 🇹🇷Galatasaray
0⃣8⃣% 🏴󠁧󠁢󠁥󠁮󠁧󠁿Manchester Utd

Group C
9⃣5⃣% 🇮🇹Napoli
0⃣5⃣% 🇵🇹Braga

Group F
5⃣3⃣% 🇫🇷Paris SG
3⃣5⃣% 🏴󠁧󠁢󠁥󠁮󠁧󠁿Newcastle Utd
1⃣1⃣% 🇮🇹AC Milan

Group H
8⃣6⃣% 🇵🇹Porto
1⃣4⃣% 🇺🇦Shakhtar#UCL

— Euro Club Index (@EuroClubIndex) November 30, 2023

“Djajve të Kuq” i është dhënë një mundësi prej vetëm 8 për qind për t’u kualifikuar në mesin e 16 më të mirave, me Kopenhagën që ka 59 për qind dhe me Galatasaray që ka 33 për qind.

Ndërkohë Newcastlet i është dhënë një shans prej 33 për qind për të siguruar plasmanin në fazën e eliminimit direkt, më shumë se Milani me 11 për qind, por më pak se PSG-ja që ka 53 për qind.

Në grupin C, Napolit i është dhënë shansi prej 95 për qind për të kaluar tutje, me Bragan që ka vetëm pesë për qind.

Kur jemi tek grupi H, Porto llogaritet si favorit i madh për të kaluar tutje, me portugezët që kanë një shans prej 86 për qind për të arritur këtë objektiv, në krahasim me Shakhtar Donetsk që ka vetëm 14 për qind./Telegrafi/