Sa anije ruse deri më tani i ka shkatërruar Ukraina?

Ushtria ukrainase pretendojnë se kanë shkatërruar deri më tani gjithsej 15 anije detare ruse në Detin e Zi që nga fillimi i luftës kundër Rusisë.

Gjithashtu edhe 12 të tjera janë dëmtuar, njoftoi ushtria ukrainase, raporton skynews.

Zëdhënës i marinës, Dmytro Pletenchuk, deklaroi se Ukraina është “lidere e një lloji të ri të luftës detare”, e cila ka detyruar Rusinë të zhvendosë forcat e saja detare në pozicione më të vështira, si rezultat i sulmeve nga Kievi.

Lexo po ashtu Kremlini tregon se çfarë presidenti duhet ta ketë Rusia pas largimit të Putinit

Operacionet ushtarake ukrainase në Detin e Zi përfshijnë sulme në selinë e Marinës ruse të Detit të Zi në Sevastopol dhe kantierin detar në Kerch, ku u dëmtua një anije që nuk ishte bashkuar zyrtarisht me flotën ruse.

Sulmet kanë synuar gjithashtu anije luftarake pranë Krimesë së aneksuar, duke përfshirë një anije të madhe uljeje dhe një nëndetëse.

Ndryshe, Rusia ka nisur pushtimin e pajustifikueshëm të shtetit ukrainas më 24 shkurt të vitit të kaluar duke shkaktuar mijëra viktima dhe dëme të shumta materiale. /Telegrafi/