Rio Ferdinand zbulon dy klubet që mund të sfidojnë Man Cityn për trofeun e Ligës së Kampionëve

Legjenda angleze, Rio Ferdinand ka emëruar dy klubet që ai beson se mund ta sfidojnë Manchester Cityn për titullin e Ligës së Kampionëve këtë edicion.

Skuadra e Pep Guardiolës vulosi kualifikimin në fazën e ardhshme të mërkurën në mbrëmje pasi mposhti Young Boys me rezultat 3-0 në Etihad Stadium.

Erling Haaland me dy gola dhe Phil Foden me një tjetër përfunduan epilogun e kualifikimin, pasi fituesit aktual shënuan katër fitore nga katër ndeshje në Evropë.

Dy skuadrat e tjera të vetme që gjithashtu mburren me një rekord 100 për qind fitore në këtë garë janë Real Madrid dhe Bayern Munich – dhe Ferdinand mendon se ato janë dy skuadrat e vetme që mund të rivalizojnë Cityn për trofeun, pasiu pyet se cilët ishin konkurrentët më të afërt të Cityt në Ligën e Kampionëve.

Lexo po ashtu Nga Man City te Interi dhe PSG, përditësohen shanset e secilin klub për të fituar Ligën e Kampionëve

“Real Madrid padyshim që e ka këtë marrëdhënie me këtë turne dhe ata kanë disa lojtarë fantastikë, si Jude Bellingham në formë të shkëlqyer. Ata do të ishin njëri prej tyre”, ka thënë fillimisht Fedinand për TNT Sports.

“Mendoj se vija e sulmit, vija e përparme veçanërisht në Bayern Munich mund t’i shkaktojë probleme çdo skuadre në këtë garë, veçanërisht me Harry Kane që shënon me shpejtësinë e tij”.

“Por, unë nuk shoh askënd që është paketë e kompletuar, ju mund të zgjidhni vrima në të gjitha ato ekipe. Ky Man City është i vetmi ekip që shikoni dhe mendoni se ata janë një ekip i kompletuar. Ky është problemi me të gjithë të tjerët”, përfundoi legjenda angleze. /Telegrafi/