Janë të nevojshme për funksionimin e përditshëm, por këto shprehi kërcënojnë cilësinë e gjumit

Gjumi është thelbësor për shëndetin, në mënyrë që trupi juaj të rikuperohet dhe të përgatitet për ditën e re. Mungesa e gjumit cilësor mund të çojë në pasoja të rënda, si sëmundje të zemrës dhe goditje në tru, ndaj kushtojini vëmendje shprehive që e rrezikojnë atë.

Një studim i vitit 2019 i botuar në revistën Diabetes Care zbuloi se njerëzit që flenë më pak se shtatë orë në ditë kanë më shumë gjasa të zhvillojnë çrregullime serioze.

Lexo po ashtu Shkaktarët më të shpeshtë të vdekjes në gjumë

Punoni shumë

Puna përmendet si fajtori kryesor që i pengon njerëzit të flenë mjaftueshëm. Për më tepër, puna shoqërohet me zgjimin herët dhe shpesh përfshin udhëtime të gjata që mund ta lodhin më tej një person, dhe është interesante që mungesa e gjumit për shkak të punës mund të rezultojë në performancë më të dobët të punës.

Përdorimi i pajisjeve me ekran para se të shkoni në shtrat

Me siguri keni dëgjuar se nuk rekomandohet përdorimi i celularit në shtrat, sepse mund ta prishë ritmin tuaj cirkadian, duke e bërë të pamundur që të bini menjëherë në gjumë dhe të keni gjumë cilësor. Zgjidhja më e mirë është që t’i ndalni pajisjet për të paktën një orë para se të shkoni në shtrat.

Lexo po ashtu Flini me sutjena? Si ndikon kjo në gjumin dhe shëndetin tuaj

Konsumoni alkool para se të shkoni në shtrat

Edhe pse shumë njerëz ndihen të përgjumur pasi pinë, alkooli në fakt ul cilësinë e gjumit. Edhe sasitë e vogla të alkoolit mund ta prishin cilësinë e gjumit. Gjithashtu, nikotina ka një efekt të ngjashëm në vazhdimësinë e gjumit kur konsumohet katër orë para gjumit.

Jeni duke konsumuar shumë kafeinë

Edhe pse kafeina ju ndihmon të zgjoheni gjatë ditës, ajo qëndron në trupin tuaj për orë të tëra pas konsumimit, që do të thotë se mund t’jua prishë gjumin. Duhet ta shmangni kafeinën të paktën katër orë para se të shkoni në shtrat.

Lexo po ashtu Dhjetë mënyra natyrale për ta reduktuar ankthin

E shfrytëzoni dhomën e gjumit edhe për aktivitete tjera

Përdorimi i dhomës së gjumit për detyra të tjera përveç gjumit, mund të krijojë një ndjenjë vigjilence dhe jo përgjumjeje kur jeni në dhomë. Aktivitetet që duhet të shmangni në dhomën e gjumit janë të tilla, si shikimi i televizorit ose angazhimi me punë. /Telegrafi/