Gvardiol zbulon dy lojtarët e Man Cityt që e kanë befasuar më shumë që kur iu bashkua klubit
Mbrojtësi i Manchester Citytt, Josko Gvardiol, ka emëruar dy lojtarët e ekipit që e kanë befasuar më shumë që nga momenti kur iu bashkua klubit nga Etihad.
Reprezentuesi kroat ndoqi bashkatdhetarin Mateo Kovacic për t’u bashkuar gjatë verës me kampionët e Ligës Premier dhe Evropës.
City pagoi te RB Leipzig rreth 85 milionë euro, një tarifë që e bëri atë mbrojtësin e dytë më të shtrenjtë në histori.
Por, ai ka bërë një tranzicion pa probleme në skuadrën e Pep Guardiolës dhe ka shkëlqyer kryesisht në krahun e majtë.
Gvardiol ishte përballur me Cityn në Ligën e Kampionëve sezonin e kaluar, duke shënuar golin e barazimit kundër tyre në ndeshjen e parë të raundit të 1/8-tës, përpara se të pësonin debakël 7-0 në takimin e dytë në Etihad Stadium.
Në një video të fundit për kanalin e Cityt në YouTube, 21-vjeçari u pyet se cilët bashkëlojtarë të rinj e kishin befasuar me cilësitë e tyre.
Dhe ai zgjodhi portierin Ederson dhe yllin e mesfushës Rodri, duke i përshkruar të dy si “të pabesueshëm” për atë që ata janë në gjendje të bëjnë kur posedojnë topin.
“Ederson dhe Rodri. Nëse flisni për Eddie, sepse ai është një portier dhe është i jashtëzakonshëm me topin”.
“Dhe për Rodrin, sepse ai është gjithmonë në moment, gjithmonë me topin dhe mënyra se si e kontrollon topin është e pabesueshme”, ka thënë Gvardiol.
Kovacic u pajtua me bashkëlojtarin e tij duke deklaruar se të dy janë lojtarë të “klasit të lartë”.
Gvardiol bëri fillimin e tij të parë për Cityn kundër Sevillas në fitoren e Superkupës së UEFA-s ndaj Sevillas me penallti. Ai ka nëntë paraqitje në emrin e tij deri më tani dhe u krahasua me legjendën e Milanit dhe Italisë, Paolo Maldini.
City është i treti në Ligën Premier pas fitores 3-0 ndaj Manchester Unitedit, me Arsenalin dhe Tottenhamin përpara tyre me dy pikë. Ata presin Bournemouth në Etihad të dielën. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Anglia publikon listën preliminare për Euro 2024 – Southgate fton 34 futbollistë, lë jashtë shumë ‘senatorë’
Reagimi i Real Madridit pas pensionimit të befasishëm të Kroosit
Portugalia publikon listën me 26 lojtarë të ftuar, Roberto Martinez iu beson veteranëve
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251