Një turist provokoi një alarm për bombë në një restorant në Lisbonë të Portugalisë – pasi “porositi një granatë”

Një turist provokoi një alarm për bombë në një restorant të Lisbonës kur ngatërroi fjalët portugeze për “pomegranate” dhe “granade” ndërsa përpiqej të porosiste një pije.

Sipas mediave të huaja, përcjell Telegrafi, 36-vjeçari, një rusishtfolës nga Azerbajxhani, u gjend i prangosur dhe i rrethuar nga policia e armatosur pasi një aplikacion gjuhësor i dha atij përkthimin e gabuar për lëngun e frutave që po përpiqej të blinte.

Sipas gazetës portugeze “Correio da Manhã”, turisti përdori telefonin e tij për të përkthyer fjalën ruse për shegë dhe më pas shkroi një fjali në portugalisht, në mënyrë që stafi në restorantin në lagjen Cais do Sodré të kuptonte porosinë e tij të pijeve.

Em Cais do Sodré um indivíduo do Azerbaijão com passaporte israelita ameaça lançar uma granada dentro do restaurante Portugália, usando uma aplicação de tradução. Após falar com o MP e a PJ o indivíduo foi libertado.#por #Europa #BOMB pic.twitter.com/bWe1ONnTtD

— Brincar é no Parque ? (@Brincarparque) October 29, 2023

Por kamerieri e lexoi shënimin e pasaktë si kërcënim dhe nga frika se klienti po thoshte se kishte një granatë, thirri policinë.

Turisti u urdhërua të shtrihej me fytyrë përtokë, ndërsa pesë oficerë policie të armatosur iu afruan dhe e ndaluan, më pas i prangosën duart.

Turisti u dërgua në një stacion policie aty pranë për t’u marrë në pyetje. Ai u lirua më vonë pasi u konstatua se nuk posedonte asnjë armë. Gjithashtu u kontrollua edhe dhoma e tij e hotelit. /Telegrafi/