Ukrainasit prezantojnë “robotin kamikaz” që do të përdoret kundër forcave ruse

Ukraina është në prag të një zbulimi të ri në fushën e armëve, e bëhet fjalë për robotin kamikaz që është dizajnuar për luftë kundër forcave ruse që janë futur në territorin e tyre.

Ratel S mundëson kryerjen e sulmeve precize nga distanca të mëdha. Brave 1 kompania teknologjike e Ukrainës ka filluar punën për promovimin e shpikjes më të re, siç robotët dhe dronët e pajisjet e tjera kyçe për luftën kundër Rusisë, transmeton Telegrafi.

Deri më tani Ukraina ka arritur me sukses të ndalë shumë sulme ruse falë shumë pajisjeve moderne, e një prej teknikave më të përdorura janë dronët që po shkatërrojnë tanket ruse.

Ratel S për dallim nga dronët do të mund të për sulme në stilin kamikaz. I dizajnuar për t’i shkatërruar tanket ruse nga një distancë relativisht e madhe.

Në shikim të parë duket si një lodër, por është punuar në atë mënyrë për të bartur bomba apo mina antitank. Me të manovrohet përmes komandës mobile dhe lëvizë me një shpejtësi prej 24 kilometra në orë.

Në terren mund të punojë pa ndërprerë deri në dy orë – pra me vetëm një mbushje të baterisë, para se të hedhë në erë mjetet luftarake të forcave pushtuese.

Personi që operon me robotin mund të qëndrojë në një distancë prej gjashtë kilometrave, dhe në atë mënyrë do të jetë i sigurt nga sulmet e mundshme të armikut.

Ky robot tashmë ka kaluar fazat testuese dhe tani pritet të fillojë prodhimi serik. /Telegrafi/