E cilësoi palaço dhe tha se meriton një shuplakë, Barcelona thyen heshtjen pas komenteve ndaj Vinicius Jr

Gjatë ndeshjes së Real Madridit në Ligën e Kampionëve me Bragën të martën, të cilën ata e fituan 2-1, drejtori dhe zëdhënësi i Barcelonës, Mikel Camps bëri një postim në Twitter duke bërë thirrje se Vinicius Junior meriton “të marrë një shuplakë” pasi e pa atë duke u shfaqur gjatë ndeshjes në Portugali.

Real Madridi ishte i tërbuar në mënyrë të kuptueshme me komentet e Camps, deri në pikën që presidenti Florentino Perez ka vendosur të bojkotojë El Clasicon e kësaj fundjave në stadiumin Olimpik për shkak të incidentit.

Barcelona nuk i komentoi komentet e Camps gjatë gjithë ditës të mërkurën, megjithëse zëvendës-presidenti Rafa Yuste tani u është drejtuar atyre kur foli me mediumin Cope.

Lexo po ashtu Eskalon situata para El Clasicos: Anëtari i bordit të Barcelonës thotë se Vinicius e meriton një shuplakë fytyrës pasi është palaço

Ai pranoi se vërejtjet ndaj yllit të Real Madridit ishin të papranueshme.

“Edhe sikur të ishte një gabim (nga Camps), nuk duhej bërë. Është një ‘tweet’ fatkeq. Nëse po më dëgjon mua Vini, nuk do të ndodhë më”, ka thënë Yuste.

Asgjë nuk është thënë ende për pozicionin e Camps në Barcelonë, i cili ka të ngjarë të bëhet i paqëndrueshëm nëse klubi nuk vepron së shpejti. Mbetet të shihet se cila është qasja e tyre zyrtare ndaj situatës. /Telegrafi/

🚨 Rafa Yuste (vice president): “Statements of a Barça directive about Vinícius? Even if it’s a mistake, it doesn’t have to be done. It’s an unfortunate tweet. If you’re listening to me Víni, it won’t happen again.” @partidazocope pic.twitter.com/5E2kIfp0uj

— barcacentre (@barcacentre) October 25, 2023