LAJMI I FUNDIT:

Rohde: Takimi Kurti-ShBA-BE nënvizon angazhimin për zgjidhje të qëndrueshme

Rohde: Takimi Kurti-ShBA-BE nënvizon angazhimin për zgjidhje të qëndrueshme

Ambasadori i Gjermanisë në Kosovë, Jorn Rohde ka komentuar vizitën e përfaqësuesve të lartë të BE-së dhe SHBA-së në Kosovë.

Rode në profilin e tij në platformën “X”, ka shkruar se kjo vizitë tregon anagzhimin për një zgjidhje të qëndrueshme, transmeton Telegrafi.


“Mbledhja e sotme e Përfaqësuesit të Lartë të BE-së Miroslav Lajçak dhe përfaqësuesve nga Gjermania, Franca, Shtetet e Bashkuara dhe Italia, së bashku me kryeministrin Albin Kurti, nënvizon angazhimin e palodhshëm për zgjidhje të qëndrueshme dhe në këtë mënyrë përshpejtimin e integrimit të plotë në familjen euroatlantike”, ka shkruar ai.

Kurti pas takimit me emisarët: Pas 24 shtatorit siguria e kufijve të Kosovës është prioritet, në dialog nevojitet qasje e re
Lexo po ashtu Kurti pas takimit me emisarët: Pas 24 shtatorit siguria e kufijve të Kosovës është prioritet, në dialog nevojitet qasje e re

Pas takimit që ka pasur me emisarët është deklaruar edhe kryeministri Albin Kurti.

Kurti ka thënë se në takimin me emisarët ka potencuar se pas sulmit terrorist siguria e kufirit të Kosovës është prioritet.

“Kam mirëpritur sot emisarët nga BE-ja, SHBA-ja, Gjermania, Franca e Italia. Pas sulmit terrorist të 24 shtatorit, me sponsorizimin dhe pjesëmarrjen e Serbisë – siguria e kufirit tonë ka përparësi. Në dialog nevojitet një qasje e re”, ka pohuar kryeministri.

Kryeministri ka njoftuar se pesëshja e emisarëve ka prezantuar planin e tyre të ri për të ecur para.

“Falënderoj dhe vlerësoj 5 emisarët për planin e tyre të ri për të ecur përpara”, tha Kurti.

Ndryshe, i dërguari i Bashkimit Evropian për dialogun, Miroslav Lajçak në një deklaratë për media pas takimit me Kurtin tha se BE-ja e ka një plan se si të vazhdohet me procesin e dialogut./Telegrafi/