UEFA: Ndeshja Belgjikë-Suedi nuk do të ri-luhet, regjistrohet me rezultatin 1-1

UEFA ka konfirmuar se ndeshja kualifikuese për Euro 2024 mes Belgjikës dhe Suedisë në Bruksel nuk do të riluhet pasi u ndërpre në pjesën e parë dhe ndeshja do të regjistrohet me rezultatin 1-1.

Belgjika ishte nikoqire e Suedisë në ndeshjen e raundit të tetë të Grupit F, të vlefshme për kualifikueset e “Euro 2024”.

Victor Gyokeres i kaloi suedezët në avantazh në minutën e 15-të, përpara se Romelu Lukaku të barazonte rezultatin nga pika e bardhë në minutën e 31-të.

Lexo po ashtu Dyshohet për sulm terrorist në Bruksel: Ndërpritet ndeshja Belgjikë - Suedi

Megjithatë, ndeshja u ndërpre në pjesën e parë për arsye sigurie pasi dy burra, të cilët u raportua se mbanin fanella të Suedisë, u qëlluan për vdekje në qytet.

Një burrë i tretë suedez u plagos rëndë në sulm, me të tre viktimat në të 60-at dhe 70-at e tyre.

UEFA tani ka njoftuar se ndeshja nuk do të rifillojë apo riluhet dhe rezultati i pjesës së parë 1-1 do të qëndrojë zyrtarisht.

Lexo po ashtu Tifozët e Belgjikës dhe ata të Suedisë mbesin të ngujuar në stadium shkaku i sulmit të dyshuar terrorist

Në një deklaratë zyrtare, UEFA tha se federatat e futbollit të Belgjikës dhe Suedisë “shprehën dëshirën e tyre për të mos luajtur kohën e mbetur të ndeshjes dhe për të marrë parasysh rezultatin në intervalin e pjesës së parë (1-1)”.

UEFA gjithashtu deklaroi se një tjetër pikë e konsideruar ishte se rezultati i ndeshjes nuk do të ndikonte për asnjërën palë, pasi Belgjika tashmë është kualifikuar dhe Suedia është eliminuar matematikisht. /Telegrafi/

Latest updates from #UEFAExCo on competitions:

Belgium-Sweden #EURO2024 qualifier abandoned with 1-1 score confirmed as final.

No UEFA competition match to be played in Israel until further notice.

Maccabi Haifa withdraw from #UYL.

Full details: ⬇️

— UEFA (@UEFA) October 19, 2023