Dyshohet për sulm terrorist në Bruksel: Ndërpritet ndeshja Belgjikë – Suedi

Ndeshja kualifikuese për Euro 2024 mes Belgjikës dhe Suedisë u ndërpre pasi dy persona u qëlluan për vdekje në Bruksel.

Incidenti i tmerrshëm ndodhi në rrugët e kryeqytetit belg përpara ndeshjes ndërkombëtare të së hënës në mbrëmje. Besohet se viktimat ishin suedeze dhe të veshur me fanella futbolli, megjithëse është e paqartë nëse ata ishin duke ndjekur ndeshjen në këtë fazë.

Mbështetësit u është kërkuar të qëndrojnë brenda stadiumit për sigurinë e tyre, me personin e armatosur ende në arrati.

Lexo po ashtu Publikohen pamjet kur sulmuesi në Bruksel shtie me pushkë automatike mbi dy të rinjtë, të veshur me fanella të Suedisë

“Për shkak të incidenteve në Bruksel më herët sonte, loja është pezulluar”, shkruante llogaria zyrtare e Belgjikës në X. “Mendimet tona janë me të gjithë të prekurit”.

Llogaria zyrtare e Suedisë në X shkroi: “Mesazh për mbështetësit suedezë në Bruksel: Policia belge dëshiron që tifozët suedezë të qëndrojnë në stadium për arsye sigurie. Merrni pjesë në informacionin nga zyrtarët, autoritetet dhe stafi në terren”.

Due to the incidents in Brussels earlier tonight, play is suspended. Our thoughts are with all those affected. pic.twitter.com/RTZHBEjjOC

— Belgian Red Devils (@BelRedDevils) October 16, 2023

“Ne do t’u informojmë kur autoritetet belge të na japin informacione të reja. Ruani qetësinë dhe kujdesuni për njëri-tjetrin. Mendimet tona shkojnë për të gjithë të afërmit e të prekurve në Bruksel”.

Rezultati i ndeshjes ishte 1-1, ndërsa pjesa e dytë nuk filloi fare. /Telegrafi/

Meddelande till svenska supportrar på plats i Bryssel: Den belgiska polisen vill av säkerhetsskäl att svenska supportrar stannar kvar på arenan. Ta del av information från funktionärer, myndigheter och SvFF:s personal på plats. pic.twitter.com/QYE5MQ7DE1

— Svensk Fotboll (@svenskfotboll) October 16, 2023