“Është një moment shumë i trishtuar, më i keqi në karrierë”, Neymar reagon pas lëndimit të rëndë

Sulmuesi brazilian, Neymar Jr ka reaguar i mërzitur pas lëndimit të rëndë të pësuar në ndeshjen e fundit të Brazilit ndaj Uruguait në kuadër të kualifikimeve të Amerikës së Jugut për Kupën e Botës 2026.

Neymar, i cili do t’i nënshtrohet një operacioni që do ta mbajë jashtë fushës për një periudhë prej më shtatë deri në 10 muaj,  pasi pësoi një çarje të ligamentit të kryqëzuar të përparmë dhe meniskut në gjurin e majtë, ka thënë se ky është “momenti i tij më i keq”.

“Është një moment shumë i trishtuar, më i keqi”, ka thënë lojtari i Al-Hilal dhe ylli kryesor i skuadrës braziliane në një koment që ka publikuar në llogarinë e tij në Instagram pasi mjekët e kanë diagnostikuar me një nga dëmtimet më të rënda në karrierën e tij.

Lexo po ashtu Neymar lëshon fushën me lot në sy pas lëndimit të rëndë, thuhet se ka përfunduar sezonin

“E di që jam i fortë, por këtë herë do të më duhen edhe më shumë nga njerëzit e mi (familja dhe miqtë)”.

“Nuk është e lehtë të kalosh një dëmtim dhe operacion, por imagjinoni se si është të kalosh përsëri katër muaj pasi u rikuperova nga lëndimi”.

Lexo po ashtu Neymar ka këputur ligamentin dhe meniskun, karriera e tij mund të ketë marrë fund

“Kam besim, madje shumë. Por, forcën e lë në dorën e Zotit. Faleminderit për mesazhet e mbështetjes dhe dashurisë”, ka përfunduar sulmuesi në mesazhin e tij në rrjetet sociale.

Lëndimi ishte rezultat i një kthese në gju në një duel të rastësishëm në fund të pjesës së parë të ndeshjes të së martës, në të cilën Uruguai mundi Brazilin 2-0 në stadiumin Centenario në Montevideo. /Telegrafi/