Kocarev: Maqedonia ka zgjedhur një rrugë pa vazhdimësi, na nevojitet një dokument themelor nga ASHAM

Sfidat me të cilat përballemi sot janë shpirtërore dhe ekonomike. Shteti ka nevojë për një dokument themelor, i cili do të përgatitet nën drejtimin e ASHAM, së bashku me universitetet dhe Odat Ekonomike, pa pjesëmarrjen e pushtetit ekzekutiv. Mirëpo, nuk mjafton vetëm krijimi i një dokumenti të tillë, por zbatimi i tij duhet të bëhet në vazhdimësi, tha kryetari i ASHAM-së, Ljupço Kocarev.

Ai sot në fjalimin e tij me rastin e 56-vjetorit të ekzistencës së ASHAM-it tha se sfida e parë me të cilën përballet vendi është që të kuptojnë disa politikanë, intelektualë dhe qytetarë maqedonas se na duhet dikush nga jashtë për të vendosur rendin dhe sundimi i ligjit, për të zbatuar parimet demokratike brenda shtetit.

“Propozoj dhe avokohem që Maqedonia të jetë pjesë e Bashkimit Evropian, por qasja e dominuar nga përulësia, servilizmi, mosdinjiteti, madje edhe çnjerëzorja, të cilën qeveria aktuale e ka zgjedhur si rrugën e vetme për anëtarësim në BE, është mëkatare dhe e turpshme kështu që duhet të largohet menjëherë”, tha Kocarev.

Sa i përket ekonomisë, ai tha se ekonomia botërore, ajo evropiane dhe ajo e Maqedonisë po përballen me një periudhë të inflacionit të lartë, borxhit të lartë të sektorit privat dhe publik, ndërprerje të zinxhirëve të furnizimit dhe krizë energjetike./Telegrafi/