Trajneri i Newcastle United ua ndalon lojtarëve të tij të dalin vonë në qytet, pas sulmit ndaj Lascelles

Eddie Howe nuk do të lejojë më lojtarët e tij që të dalin në shëtitje në qendër të qytetit gjatë natës pasi Jamaal Lascelles ishte sulmuar nga disa persona.

Siç zbulohet nga Mail Sport, kapiteni i Newcastle dyshohet se u sulmua nga një bandë prej të paktën pesë personash në qytet, me pretendimet se ata kërcënuan të qëllonin mbrojtësin 29-vjeçar.

Howe këmbënguli se Lascelles luajti paqebërësin në incidentin e muajit të kaluar pasi pamjet dolën këtë javë, por ai nënvizoi shqetësimet për lojtarët e tij që ishin jashtë në qytet në orët e vona.

Lexo po ashtu Parashikim nga Opta: Kush shpallet kampion, kush luan në Evropë, kush përfundon në mesin e tabelës dhe kush bie nga Liga Premier

Si rezultat, ai ka lëshuar një vendim se lojtarët e tij nuk duhet të dalin gjatë natës për të parandaluar kërcënimin e çdo përsëritjeje.

I pyetur nëse zona ishte tani një zonë e ndaluar për lojtarët e tij, trajneri ka thënë: “Fatkeqësisht, ndoshta po”.

“Në këtë kohë, me numrin e lojërave që kemi gjithsesi, nuk jam i sigurt se këtu duhet të jemi si grup lojtarësh dhe staf (të shëtisin në orët e vona). Kjo është thjesht me lojërat dhe profilin e lojtarëve tani dhe atë që kemi këtë sezon, kështu që ndoshta keni të drejtë, dhe ndoshta do të thosha jo”.

“Do të ishte mirë në teori që ne të ishim në qendër të qytetit me njerëzit tanë, por realiteti është se ndoshta nuk është vendi më i mirë për ne që të dalim vonë. Ne do të preferonim që lojtarët tanë të mos ishin në qendër të qytetit në orët e vona, mendoj se kjo është e natyrshme nga ana ime”.

“Ka qenë një javë intensive, mendoj se mund ta dallosh këtë nga fytyra ime. Unë jam mjaft i fortë për t’u përballur me këto momente, por shqetësimi po rritet gjatë gjithë kohës”, ka shtuar më tej Howe.

Policia po heton përleshjen pasi oficerët u thirrën pas një përleshjeje në Westgate Road në Newcastle gjatë orëve të para të së dielës më 20 gusht. /Telegrafi/