Rrëfimi i banorit të Havait, të cilit i tha policia të hidhet në oqean për t’i shpëtuar vdekjes: Kemi dëgjuar britma si në filma horror

Banori i Havait, Ydriss Nouara, një nga të mbijetuarit e zjarrit të tmerrshëm në resortin Lahaina që mori të paktën 53 jetë, tha se policia i tha atij të “kërcej në oqean” për t’i shpëtuar zjarrit që shkatërroi qytetin.

“Dëgjuam të bërtitura si në një film horror. Nuk dinim se çfarë po ndodhte. Dëgjuam njerëz që villnin por nuk i pamë, tymi ishte kudo. Gjithçka ishte e zezë. Unë thirra policinë tre herë. Kur më në fund u përgjigjën, ata thanë se nuk mund të vinin dhe duhej të hidhesha në oqean. Unë i pyeta: ‘A doni që unë të hidhem në oqean ndërsa ka një stuhi jashtë?’ Kalova rreth tre orë në ujë para se të më shpëtonin”, tha Nouara.

Në anën tjetër deri më tani mbi 1 mijë persona po konsiderohen si të zhdukur, dhe numri i viktimave sipas ekspertëve pritet të jetë akoma më i madh, transmeton Telegrafi.

Lexo po ashtu Biden shpall gjendjen e jashtëzakonshme në Havai, fonde të konsiderueshme po u vihen në dispozicion banorëve të atjeshëm

Nga zjarri është shkatërruar një qytet i tërë, ndërsa erërat e forta kanë kontribuar në zgjerimin e vatrës së zjarrit – duke ua vështirësuar punën zjarrfikësve.

Ndërkaq nga departamenti i zjarrfikësve është bërë e ditur se kanë arritur që 80 për qind të zjarrit ta lokalizojnë, ndërsa shumë shtëpi dhe lokale afariste janë bërë rrafsh me tokë.

Ekspertët vlerësojnë se nevojiten vite të tëra që të rindërtohet qyteti, i cili u zhduk nga faqja e dheut nga zjarri. /Telegrafi/

Hawaiian resident Ydriss Nouara was told by police to "jump" into the ocean in a bid to escape the wild flames that tore through parts of Maui.

"We could hear people throwing up, we didn't know where they were", he told Sky's Martha Kelner

Read more: https://t.co/00GMMltZLs pic.twitter.com/nVXPHLJs0d

— Sky News (@SkyNews) August 11, 2023