Në fshatin Gërnçar të Komunës së Kllokotit të mërkurën ka ndodhur një incident mes qytetarëve dhe pjesëtarëve të Policisë së Kosovës, për shkak të një vendimi për groposjen e derrave të infektuar nga murtaja afrikane.
Mediat kanë raportuar se qytetarët kanë qenë të pakënaqur me lokacionin e caktuar për groposjen e këtyre kafshëve, pasi sipas tyre është në afërsi të fshatit. Ndaj, në shenjë revolte kanë bllokuar rrugën.
Më pas, raportohet se policia e cila ka asistuar në ndihmë Agjencisë së Ushqimit dhe Veterinarisë (AUV) për asgjësimin e derrave të sëmurë, është detyruar që t’i largojë qytetarët nga rruga.
Teksa në rrjete sociale janë publikuar edhe pamjet e kësaj ngjarje, nga policia kanë thënë se nuk ka raportime për ndonjë incident.
“Policia e Kosovës, Stacioni Policor Viti ka asistuar në ndihmë oficerëve te AUV-it në asgjësimin (groposjen) e derrave të sëmurë, sëmundje që është konstatuar nga ky agjension. Njësitet Policore kanë asistuar nga ora 17:20 deri në ora 18:50”.
“Qëllimi i asistimit ka qenë që të ndihmohet në respektimin e urdhërim për asgjësimin (groposjen) a kafshëve të sëmura nga agjesioni”, ka thënë për Telegrafin zëdhënësi i Policisë së Kosovës për rajonin e Gjilanit, Ismet Hashani.
E nga AUV-i kanë konfirmuar për Telegrafin se banorët e kanë penguar groposjen e derrave të infektuar, megjithatë kanë deklaruar se lokacioni është caktuar nga komuna.
“Agjencia e Ushqimit dhe Veterinarisë në vazhdimësi për disa vite u ka dërguar shkresë të gjitha komunave për caktim të lokacionit për varrezë të kafshëve (vend-groposje të kafshëve). Disa nga komunat kanë lokacione të caktuara me vendime të asambleve komunale, por disa të tjera jo. Kjo është komplet kompetencë e nivelit lokal qeverisës”.
“Edhe në rastin konkret lokacioni është caktuar nga komuna. Përderisa banorët kanë penguar groposjen ne kemi kërkuar caktim të një vendi tjetër. Por, është emergjente situata dhe lokacioni për groposje është i domosdoshme. Asgjësimi i kafshëve të fermave të cilat rezultojnë pozitiv në sëmundje është masë e domosdoshme preventive-parandaluese e përhapjes së sëmundjes”, ka thënë zëdhënësi i këtij institucioni, Lamir Thaçi.
Më 17 korrik është konfirmuar rasti i parë i prezencës se sëmundjes murtaja afrikane e derrit në një fermë në komunën e Kllokotit.
Thaçi ka thënë se menjëherë janë ndërmarrë të gjitha veprimet për parandalimin e përhapjes së kësaj sëmundje.
“Kafshët e fermës se prekur janë asgjësuar. Është bërë dezinfektimi i fermës, pajisjeve, ushqimit të kafshëve, plehut dhe gjerave të tjera në kontakt me kafshët e infektuara. Kemi shpallë zonën karantine dhe kemi nis hulumtimet diagnostike. Javën e kaluar janë lajmëruar rastet e tjera të dyshimta dhe ne jemi duke testuar dhe asgjësuar rastet pozitive për të penguar përhapjen. Aktivisht jemi duke punuar tërë kohën për menaxhim të situatës”, është shprehur tutje ai.
Në fund, ka bërë të ditur se deri me tani me murtajën afrikane të derrit janë prekur nëntë ferma në Komunën e Kllokotit, nga të cilat janë asgjësuar 184 derra. /Telegrafi/
Lufta Prigozhin - Putin
Më shumëNga Rubrika
Aksident në rrugën Makedonska Kamenicë – Vinicë, humb jetën një 42-vjeçar
Plagoset një polic në Zllakuqan të Klinës nga persona që kishin hyrë në shtëpinë e një prifti
Shtetasi i Shqipërisë nuk respekton urdhrat e policëve në Dragash, tenton t’i godasë me veturë
Këto pritet të jenë ulëset e partive në Kuvend për katër vitet e ardhshme
Kosova aktualisht nuk është në agjendën e Komitetit të Ministrave të KiE-së, por çfarë tha kryeministri Kurti lidhur me "kërkesat" për Asociacionin?
Hoxhaj: Palestina ka arritur të rikthejë momentumin ndërkombëtar, Kosova pa asnjë njohje që katër vjet
KSHZ publikon rezultatet e para përfundimtare, ky është numri i deputetëve të partive në Kuvend
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Opozita maqedonase fiton zgjedhjet e dyfishta
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend