Rritet mbështetja ndaj Trumpit në garën e brendshme edhe përkundër aktakuzave

Mbështetja ndaj ish-presidentit amerikan Donald Trump si kandidat potencial për të kandiduar për zgjedhjet e ardhshme presidenciale është rritur përkundër akuzave që i janë ngritur atij, në fakt këto akuza kanë forcuar pozitën e tij.

Trumpit iu janë ngritur dy aktakuza dy herë në katër muajt e fundit, një herë në New York për krime të dyshuara financiare dhe një herë në një gjykatë federale me akuzat se ai keqpërdori dokumente të ndjeshme qeveritare dhe pengoi një hetim, transmeton Telegrafi.

Ai mund të jetë në prag të një aktakuze të tretë, për përpjekje për të përmbysur rezultatet e zgjedhjeve të vitit 2020, dhe një aktakuze të katërt në Gjeorgji për presion ndaj zyrtarëve shtetërorë për të ndryshuar rezultatet në vitin 2020 atje.

Përmes gjithë kësaj, fushata e Trumpit jo vetëm që ka vazhduar e pandërprerë, por ka lulëzuar, sipas BBC.

Një mesatare e sondazheve të opinionit nga 31 korriku tregon se ai ka një epërsi komanduese prej 37 pikësh ndaj rivalit më të afërt, Guvernatorit të Florida-s Ron DeSantis.

Në mes të shkurtit, epërsia e Trump ndaj DeSantis në mesataren e sondazheve ishte vetëm dy pikë (41 për qind në 39 për qind). Megjithatë, kjo doli të ishte pika më e lartë e guvernatorit të Florida-s deri më tani. Ndërsa ylli i tij është zbehur dhe numri i tij i anketave ka rënë, mbështetja ndaj Trumpit ka mbetur e fortë.

Dhe që kur u ngrit aktakuza e parë në javën e parë të prillit në fakt mbështetja për të është rritur. Trump është ish-presidentin i parë i SHBA-së që përballet me akuza penale. /Telegrafi/