Milani është vetëm pesë milionë euro larg transferimit të Yunus Musah, tanimë ka marrëveshje me lojtarin

Yunus Musah e ka vendosur të ardhmen e tij, e cila duket larg Valencias dhe është në Serie A.

Mesfushori amerikan ia ka bërë të qartë vendimin e tij Valencias, dëshiron që të veshë vetëm te Milani pasi lojtari ka një marrëveshje personale me kuqezinjtë.

Megjithatë problemi kryesor qëndron tek çmimi i tij, me spanjollët që kërkojnë 25 milionë euro, ndërsa Milani nuk ofron më shumë se 20 milionë dhe shpreson që dëshira e lojtarit të luajë një rol të rëndësishëm.

Lexo po ashtu Milani përgatit ofertë më të lartë për Musah që të eliminojë konkurrencën nga Fulhami

Ka kohë që palët negociojnë për 20-vjeçarin dhe mediat italiane janë të bindura se marrëveshja do të arrihet mes palëve.

Valencia nuk e ka ndërmend të ulë kërkesat, derisa tani Milanit i mbetet që të rrisë edhe për pesë milionë euro më shumë ofertën për ta kompletuar transferimin e mesfushorit amerikan.

Lexo po ashtu Musah pajtohet me kushtet personale me Milanin

Rossonerët janë duke shpresuar në presionin e Musah që t’i bëj klubit, derisa ditët e ardhshme janë vendimtare për tu mbyllur ky transferim.

20-vjeçari ka pasur një sezon fantastik me Valencian, derisa kishte oferta edhe nga Anglia, por që dëshira e tij është vetëm Milani. /Telegrafi/