Çfarë dimë për gjarprin më helmues në Evropë që është parë në parkun e Gërmisë?

Në parkun e Gërmisë në Prishtinë gjatë javës është parë gjarpri më helmues në Evropë që quhet “Vipera Ammodytes”.

Ky gjarpër që njihet ndryshe edhe si gjarpri i gurit, sipas biologëve në këtë periudhë të vitit është më aktiv në këtë pjesë, por edhe në Malësi të Gollakut.

Por çfarë dimë për këtë lloj gjarpri.

“Vipera Ammodytes” njihet ndryshe edhe me emra të tjerë sikurse nepërka me brirë, nepërkë me hundë të gjatë, nepërkë me brirë hundore, nepërkë rëre, etj.

Është një specie nepërkash që gjendet në Evropën Jugore, kryesisht në Italinë veriore dhe në Ballkan.

Lexo po ashtu Gjarpri më helmues në Evropë shihet në Gërmi

Si të gjitha nepërkat, ky lloj gjarpri është helmues. Për shkak të trupit të tij të madh, dhëmbëve të gjatë (deri në 13 mm) dhe helmit shumë toksik, thuhet se është më i rrezikshmi nga gjarpërinjtë helmues evropianë.

Emri specifik Ammodites rrjedh nga fjalët greke amos, që do të thotë “rërë” dhe deutes, që do të thotë ose “zhytës”.

Ky lloj gjarpri rritet në një gjatësi mesatare prej 50 centimetrave, megjithatë një pjesë e tyre zakonisht janë më pak se 40 centimetra të gjatë.

Gjatësia maksimale ndryshon gjithashtu sipas rajonit. /Telegrafi/