Cuadrado te Interi: Tifozët ultras protestojnë dhe duan të takojnë ish-anësorin e Juventusit
Tifozët ultras të Interit janë paraqitur në selinë e klubit për të protestuar ndaj blerjes së Juan Cuadrado dhe duan të takojnë kolumbianin përpara se ai të nënshkruajë për Nerazzurrët.
Cuadrado do të nënshkruajë një marrëveshje njëvjeçare me Interin pasi kontrata e tij me Juventusin i skadoi më 30 qershor.
Ai u kritikua ashpër nga tifozët e Interit gjatë qëndrimit në Torino dhe u akuzua për simulim dhe mashtrim.
Kjo është arsyeja pse një grup i tifozëve ultras mbërritën para selisë së klubit mbrëmjen e së hënës për të protestuar për nënshkrimin e tij.
Raportime të shumta në Itali, duke përfshirë gazetën La Repubblica, pretendojnë se protesta nuk zgjati shumë, por ultrasit kërkuan të takohen me lojtarin përpara nënshkrimit të tij për t’i ‘shpjeguar atij vlerat tona’.
Inter, gli ultrà vogliono un faccia a faccia con Cuadrado:”Deve capire i nostri valori” https://t.co/emZ7PSjR5f
— Repubblica (@repubblica) July 17, 2023
Cuadrado luajti për Juventusin nga viti 2015 deri në sezonin e kaluar, duke shënuar 26 gola në 314 paraqitje.
Ndeshja e tij e fundit kundër Interit përfundoi në një përleshje me Romelu Lukakun dhe Samir Handanovic, duke pranuar një pezullim me tre ndeshje për ndeshjet e Kupës së Italisë. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251