Të enjten për vizitë në Kosovë ishte kryeministri i Shqipërisë, Edi Rama. Kryeministri shqiptar u takua me presidenten e vendit, Vjosa Osmani, kryeparlamentarin Glauk Konjufca, por jo edhe me homologun, Albin Kurti.
Ky i fundit nuk tregoi gatishmëri për ta takuar pavarësisht se Rama tha se plotësoi merakun e Kurtit për nënshkrimin e 15 marrëveshjeve ndërshtetërore.
Refuzimi i Kurtit për tu takuar me Ramën erdhi pasi kryeministri i Shqipërisë anuloi mbledhjen e përbashkët të dy qeverive vetëm një ditë para se ajo të mbahej me arsyetimin se situata në veri dhe zhvillimet në Kosovë pamundësojnë mbajtjen e asaj mbledhjeje.
E pas takimit Osmani-Rama nuk ka pasur konferencë për media, gjersa lidhur me këtë takim është lëshuar një komunikatë për media nga Zyra e Presidencës.
Sipas njoftimit nga Presidenca, në takim u diskutua për samitin e NATO-s, i cili do të mbahet gjatë korrikut në Vilnius të Lituanisë, për samitin e Procesit të Berlinit, i cili do të mbahet në Tiranë në tetor të këtij viti si dhe për situatën aktuale në Kosovë e rajon, në raport me zhvillimet e fundit të sigurisë në veri të vendit.
![](https://telegrafi.com/wp-content/uploads/2023/07/edi_vjosa-1.jpg)
Presidentja Osmani rikonfirmoi përkushtimin e Kosovës për t’i adresuar sfidat e përbashkëta me të cilat përballet rajoni së bashku me partnerët euroatlantikë, thuhet në njoftim.
Në raport me situatën e sigurisë në veri, presidentja Osmani theksoi se Kosova ka demonstruar vullnet për deeskalim, duke ofruar organizimin e zgjedhjeve të reja në veri të vendit, në përputhje me kornizën ligjore të Kosovës.
Për më tepër, Osmani ka theksuar se është e domosdoshme që ata që kanë sulmuar NATO-n, gazetarët, Policinë e Kosovës dhe qytetarët në veri, të jenë përgjegjës para ligjit, sepse pandëshkueshmëria mund të nxisë edhe më shumë dhunë, transmeton Telegrafi.
Sa i përket Samitit të Procesit të Berlinit, u bisedua për domosdoshmërinë e hyrjes në fuqi të të gjitha marrëveshjeve të arritura deri më tani në këtë proces, e sidomos asaj që ka të bëjë me lirinë e lëvizjes, si dhe për mundësinë e rritjes së projekteve dhe fondeve përfituese për vendet e Ballkanit Perëndimor në kuadër të Procesit të Berlinit.
Nga ana tjetër, sa i përket Samitit të NATO-s, Presidentja falënderoi Shqipërinë për përkrahjen e vazhdueshme sa i përket anëtarësimit të Kosovës në këtë aleancë, ndërkaq ritheksoi rëndësinë e ecjes përpara me anëtarësim në Partneritet për Paqe, si hap drejt anëtarësimit të plotë në NATO, i cili njëkohësisht do t’i kontribuonte stabilitetit afatgjatë në rajon.
Presidentja Osmani dhe kryeministri Rama u dakorduan që të vazhdojnë koordinimin në të mirë të qytetarëve të dy shteteve tona si dhe në të mirë të paqes dhe sigurisë rajonale.
Në takim thuhet se është i pranishëm edhe ambasadori amerikan në Kosovë, Jeffrey Hovenier.
E pas takimit me presidenten Osmani, Rama ka shkuar në takim me kryeparlamentarin Glauk Konjufca.
Rama thumbon Kurtin para gazetarëve: S’kam homolog
Kryeministri i Shqipërisë, Edi Rama, ka thumbuar kryeministrin e Kosovës, Albin Kurti, para gazetarëve pas takimit me kryeparlamentarin Glauk Konjufca.
Rama para gazetarëve ka thënë se nuk mund të mbajë konferencë, sepse nuk e ka homologun, duke iu referuar kryeministrit Albin Kurti.
“S’kam homolog unë, nuk jap dot koment”, tha ai.
Konjufca: Propozimi i Ramës për Asociacionin, ka elemente që përmbajnë autonomi territoriale për serbët e Kosovës
Kryetari i Kuvendit të Kosovës, Glauk Konjufca, pas takimit me kryeministrin e Shqipërisë, Edi Rama, ka deklaruar se raportet e kryeministrit Albin Kurti me kryeministrin Rama janë lënduar, por, sipas tij, “nuk janë acaruar sa për të mos u takuar”.
Konjufca tha se mbi të gjitha duhet të shihet interesi kombëtar dhe se raporti Rama-Kurti do të rregullohet.
I pyetur për propozimin e Ramës për Asociacionin, Konjufca tha se elemente të tij përmbajnë autonomi territoriale për serbët në Kosovë.
“Ai ka ndarë elemente të Asociacionit, mirëpo ai pretendon që është në përputhje me Kushtetutën e Kosovës, mirëpo mua më është dukur se në elemente të caktuara të propozimit të zotëri Rama përmbajnë autonomi territoriale për serbët e Kosovës. Kjo është në kundërshtim me interesin e kombit shqiptar dhe popullit të Kosovës”, deklaroi Konjufca.
Konjufca ka akuzuar Tiranën zyrtare edhe sa i përket pozicionit opsionit të shkëmbimit të territoreve.
“Republika e Shqipërisë ishte zyrtarisht në anën e opsionit të shkëmbimit territorial me Serbinë dhe mendoj se kjo e ka dëmtuar Republikën e Kosovës. Mendoj se e ka dëmtuar Kosovën edhe ideja e Ballkanit të Hapur, sepse ky është dallim nga ajo që ka nevojë Kosova. Dhe tani është edhe e treta ku ne jemi në të drejtën tonë dhe nuk po na kupton Republika e Shqipërisë. Mendoj se me këto pozicione Kosova mund vetëm të dëmtohet”, theksoi ndër të tjera kryetari i Kuvendit. /Telegrafi/
Promo
Reklamo këtuLufta Prigozhin - Putin
Më shumëNga Rubrika
![Instituti Hidrometeorologjik apel për kujdes: Sot mot me rrufe e erëra të fuqishme, të shmangen daljet e punët në pyje](https://telegrafi.com/wp-content/uploads/2024/07/Moti-i-vreret-dhe-me-shi-sheshet-e-Prishtines-foto-Ridvan-Slivova-18-380x233.jpg)
Instituti Hidrometeorologjik apel për kujdes: Sot mot me rrufe e erëra të fuqishme, të shmangen daljet e punët në pyje
![Shqiptohen 109 gjoba në Shkup, 14 për vozitje pa patentë shofer](https://telegrafi.com/wp-content/uploads/2024/03/policia-mk-380x233.png)
Shqiptohen 109 gjoba në Shkup, 14 për vozitje pa patentë shofer
![Ramadani: Është rrezik nëse Mickoski reshtohet krah Orbanit, Vuçiqit dhe Dodikut](https://telegrafi.com/wp-content/uploads/2024/07/Ismet-Ramadani-380x233.png)
Ramadani: Është rrezik nëse Mickoski reshtohet krah Orbanit, Vuçiqit dhe Dodikut
![Konjufca: Kemi informacione të sakta se në Serbi po bëhen ushtrime për sulm të ri](https://telegrafi.com/wp-content/uploads/2024/07/448764610_994854931926185_5456273779982835593_n-1-380x233.jpg)
Konjufca: Kemi informacione të sakta se në Serbi po bëhen ushtrime për sulm të ri
![Haxhiu i shkruan letër ministres serbe të Drejtësisë, kërkon të transferohen në Kosovë katër kosovarët që po mbahen në burgjet e Serbisë](https://telegrafi.com/wp-content/uploads/2023/11/Konference-Albulena-Haxhiu-foto-Ridvan-Slivova-1-380x233.jpg)
Haxhiu i shkruan letër ministres serbe të Drejtësisë, kërkon të transferohen në Kosovë katër kosovarët që po mbahen në burgjet e Serbisë
![Ndihmoi vajzën e saj 19-vjeçare të kryente abort të kundërligjshëm, prokuroria deklarohet për rastin në Podujevë](https://telegrafi.com/wp-content/uploads/2024/01/Prokuroria-Themelore-e-Prishtines-scaled-1.jpeg)
Ndihmoi vajzën e saj 19-vjeçare të kryente abort të kundërligjshëm, prokuroria deklarohet për rastin në Podujevë
![“Nënat arbëreshe i prenë gjuhën fëmijëve…”: Çfarë kishte thënë At Belushi para se të vdiste për ruajtjen e gjuhës shqipe në Itali](https://telegrafi.com/wp-content/uploads/2024/06/2024-06-20-10_09_25-Window-380x233.png)
“Nënat arbëreshe i prenë gjuhën fëmijëve…”: Çfarë kishte thënë At Belushi para se të vdiste për ruajtjen e gjuhës shqipe në Itali
![Mickoski, Ahmetit: Do të reagojmë nëse dëmtohet karakterin unitar i shtetit](https://telegrafi.com/wp-content/uploads/2024/07/Mickoski-380x233.png)
Mickoski, Ahmetit: Do të reagojmë nëse dëmtohet karakterin unitar i shtetit
![](https://telegrafi.com/wp-content/uploads/2023/09/dialoguKurtiBorrelLajcak-380x233.jpg)
"Nëse Serbia ka një pozicion të tillë atëherë çfarë po negocion BE-ja": Lajçak pyetet për letrën e Bërnabiq dërguar EEAS-it
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
![Ofertë e veçantë – vila në Brezovicë ofrohet me zbritje ID-246](https://telegrafi.com/wp-content/uploads/2023/11/Foto-Kryesore-4-380x233.jpg)
Ofertë e veçantë – vila në Brezovicë ofrohet me zbritje ID-246
![Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251](https://telegrafi.com/wp-content/uploads/2024/02/Foto-Kryesore-380x233.jpg)
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
![Veprim i turpshëm i Real Madridit ndaj Toni Kroosit me t’i përfunduar kontrata](https://telegrafi.com/wp-content/uploads/2024/05/kroos-perez-real-madrid-380x233.jpg)
Veprim i turpshëm i Real Madridit ndaj Toni Kroosit me t’i përfunduar kontrata
![Notat e lojtarëve: Portugalia 0-0 Sllovenia](https://telegrafi.com/wp-content/uploads/2024/07/portuga-380x233.png)
Notat e lojtarëve: Portugalia 0-0 Sllovenia
![Kush janë Haredim-ët në Izrael dhe pse ata nuk duan të marrin pjesë në ushtri?](https://telegrafi.com/wp-content/uploads/2024/07/1200x800-380x233.jpg)
Kush janë Haredim-ët në Izrael dhe pse ata nuk duan të marrin pjesë në ushtri?
![Zbulohet se kush është personi i maskuar që u largua nga çatia e Sigal Iduna Park nga forcat speciale](https://telegrafi.com/wp-content/uploads/2024/06/page-162-380x233.jpg)
Zbulohet se kush është personi i maskuar që u largua nga çatia e Sigal Iduna Park nga forcat speciale
![Policia arreston Korab Gashin, i dyshuar për grabitjen në Suharekë](https://telegrafi.com/wp-content/uploads/2024/07/korab-gashi-380x233.jpg)
Policia arreston Korab Gashin, i dyshuar për grabitjen në Suharekë
![Khabib raportohet se po falimenton - McGregor eskalon në fyerje ndaj dagestanezit](https://telegrafi.com/wp-content/uploads/2024/07/khabib-nurmagomedov-380x233.jpg)
Khabib raportohet se po falimenton - McGregor eskalon në fyerje ndaj dagestanezit