Aguero emëron tre sulmuesit më të mirë të të gjitha kohërave, zgjedhjet mund t’ju duken befasuese

Legjenda argjentinase e Manchester Cityt, Sergio Aguero, ka zgjedhur tre sulmuesit që mendon se janë më të mirët e të gjitha kohërave.

Në korrik të vitit 2011, City përfundoi nënshkrimin e Agueros nga klubi i La Ligas, Atletico Madrid, në një marrëveshje me vlerë rreth 40 milionë euro.

Që atëherë, ai vazhdoi të bëhej golashënuesi më i mirë i klubit dhe shënoi golin historik kundër QPR gjatë sezonit 2011/12 për t’i dhënë Cityt titullin e parë të Ligës Premier. Në total, argjentinasi bëri 390 paraqitje për klubin Etihad, duke shënuar 260 gola.

Kohët e fundit, gjatë një seance ‘pyetje dhe përgjigje’ në kanalin e tij Twitch, Agueros iu kërkua të emëronte tre sulmuesit më të mirë të të gjitha kohërave.

🎙 Soru: "Tüm zamanların en iyi 3 santrforu?
🎙 Aguero: 1) Ronaldo Nazario. 2) Henry 3) Luis Suarez pic.twitter.com/NxmRHxU1uv

— FutbolArena (@futbolarena) July 5, 2023

“3 sulmuesit më të mirë në histori? Ronaldo Nazario, Thierry Henry dhe Luis Suarez. Kështu me rend”, ka thënë Aguero.

Legjenda e Brazilit, Ronaldo konsiderohet gjerësisht si një nga sulmuesit më të mirë që ka luajtur ndonjëherë këtë lojë.

Gjatë asaj që ishte një karrierë e shkëlqyer, Ronaldo luajti për disa nga klubet më të mëdha në futbollin botëror, duke përfshirë Barcelonën, Interin, Real Madridin dhe Milanin. Në karrierën e tij, Ronaldo shënoi 352 gola në 518 paraqitje.

Francezi Thierry Henry shpesh etiketohet si lojtari më i mirë në historinë e Ligës Premier pasi luajti një rol të madh në sezonin pa humbje të Arsenalit.

Në dy periudhat e tij me Gunners, Henry shënoi 228 gola në 377 ndeshje.

I fundit, por jo më pak i rëndësishëm, Luis Suarez, i cili aktualisht luan për skuadrën braziliane, Gremio, ka vite që shënon gola nga e majta, djathta dhe qendra.

Pasi bëri përshtypje te Ajaxi, Suarez u transferua në Liverpool dhe shpejt u bë një i preferuar i vërtetë i tifozëve. Pavarësisht anës së tij të errët, ishte e qartë se Suarez di ta vendosë topin në rrjetë.

Pas largimit nga Anfield, uruguaiani vazhdoi të luajë për gjigantët e La Ligës, Barcelona dhe Atletico Madrid, duke fituar titullin e ligës me të dyja palët.

Në total, Suarez deri më tani ka shënuar 476 gola në 775 ndeshje në karrierën e tij. /Telegrafi/