Takimet e së enjtes në Bruksel të palës kosovare dhe asaj serbe me përfaqësuesit e Bashkimit Evropian nuk kanë prodhuar asnjë rezultat konkret, vlerësojnë analistët në Kosovë.
Kryeministri i Kosovës, Albin Kurti dhe presidenti i Serbisë, Aleksandar Vuçiq, u takuan ndaras me përfaqësuesit e BE-së, Josep Borrell e Miroslav Lajçak.
Sipas Qeverisë së Kosovës, nuk pati takim trilateral siç ka ndodhur zakonisht, për shkak se pala tjetër ka refuzuar një gjë të tillë.
E analisti Dukagjin Gorani në një prononcim për Telegrafin tha se kanë filluar të shihen shenjat e para të një formati të ri të negociatave.
“Një format i ri i negociatave i cili me siguri do të fillojë të zbatohet gjatë vitit dhe do të jetë përpjekja për të organizuar një konferencë të palëve, që patjetër duhet ta gjejë zgjidhjen aty për aty, pa e zhvilluar një proces të gjatë të takimeve dhe diskutimeve”, deklaroi ai.
Sipas Goranit, ideja e kësaj konference më së miri u qartësua si në konferencën që kryeministri i Shqipërisë, Edi Rama mbajti të premten në Tiranë.
“Ai e shpjegoi që opsioni i konferencës ndërkombëtare për Kosovën duhet të jetë si iniciativë e qeverisë franceze dhe asaj gjermane. Kjo në vete tregon se edhe z. Rama dhe liderët e tjerë po mendojnë se takimet si ai në Bruksel nuk po kanë sukses dhe me gjasë që ndërmjetësimi i Bashkimit Evropian mund të ndryshojë e të mos vazhdojë kësisoj”, u shpreh ai.
Analisti tutje tha se situata në veri është e panevojshme, teksa shtoi se nuk mendon që Kosova është afër ndonjë rreziku shumë të madh, por “ka potencial të panevojshëm për shkaktimin e një konflikti, krize shoqërore”.
“Për veriun duhet një zgjidhje politike e cila nuk in trazon tensionet mes komuniteteve dhe nuk duhet ta ketë pamjen e një zgjidhjeje policore. Nuk rregullohen problemet politike përmes insistimit në rend dhe ligj përmes policisë. Kjo është qasje e gabuar”, deklaroi mes tjerash Gorani.
Se takimet në Bruksel nuk kanë prodhuar asnjë efekt në praktikë e thotë edhe profesori i shkencave politike, Dritëro Arifi.
Ai për Telegrafin deklaroi se pa u liruar policët e rrëmbyer nga forcat serbe nuk mund të ketë shtensionim të situatës.
“Pas takimit të Brukselit, kemi vetëm deklarata pra pajtim në parim që palët janë pajtuar që ta shtensionojnë situatën, por në praktikë ende s’ka filluar asgjë të vërehet për atë që palët janë pajtuar në Bruksel. Hapat e parë Serbia nuk i bëri për t’i liruar policët e rrëmbyer dhe pa ndodhur kjo nuk mund të ketë shtensionim të situatës”, tha Arifi.
Ai theksoi se situata në veri edhe pse në shikim të parë duket e qetë është shumë sensitive dhe sipas tij, mund të cenohet edhe më shumë dhe KFOR-i ta merr gjithë sektorin e sigurisë në menaxhim.
“Nëse nuk ka ndërhyrje të fuqishme politike dhe diplomatike, atëherë situatën në veri e shoh shumë të rrezikuar edhe pse ka pasur pajtim nga palët për de-përshkallëzim”, përfundoi profesori.
Ndryshe, kryeministri Edi Rama në një konferencë për media ka propozuar që Gjermania dhe Franca të ndërhyjnë për zbatimin e marrëveshjes bazë midis Kosovës dhe Serbisë.
Ai ka sqaruar se takimet në Bruksel janë humbje kohe dhe se duhet të bëhet më shumë për t’u ulur tensionet.
Rama ka shtuar se “shpërthimi i situatës është me pasoja të jashtëzakonshme për të gjithë.”
Ai po ashtu ka hedhur propozimin e një konference normalizimi. Sipas tij, të dy liderët duhet të mbyllen në konferencë me ndërmjetësuesit dhe me shtytjen e Gjermanisë dhe Francës, të dalin vetëm kur të ketë një marrëveshje./Telegrafi/
Lufta Prigozhin - Putin
Më shumëNga Rubrika
Letra e Qeverisë drejtuar Këshillit të Evropës, reagimi i Presidencës dhe deklarata e Gjermanisë, Francës dhe Italisë për Asociacionin
Knaus: Komiteti i Ministrave të caktoj një mbledhje të jashtëzakonshme brenda disa jave, të votojë aplikacionin e Kosovës pasi të ketë ecur përpara me çështjen e Asociacionit
Sot vranët dhe me diell, fundjava me rritje të temperaturave
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
Politikani serb: Kam bërë padi në GjND për krimet serbe ndaj shqiptarëve të Kosovës
BE reagon për draft statutin e paralajmëruar nga Kosova për Asociacionin
Kushtëzimi i Kosovës për në KiE, eurodeputeti gjerman, Butikofer: Gabim i keq i Qeverisë gjermane
Flet shqiptari që vrau gruan: Nuk pendohem, hante me paratë e mia dhe më tradhtonte
Rama i përgjigjet deklaratave të Vulin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë