Real Madridi konfirmon rinovimin e kontratës së Toni Kroos

Real Madridi ka siguruar rinovimin e kontratës së mesfushorit gjerman, Toni Kroos. 33-vjeçarit i skadon kontrata në fund të muajit, por do të qëndrojë në Santiago Bernabeu edhe për të paktën një vit.

Kroos kishte pranuar se po luante me idenë e pensionimit në fund të këtij sezoni, por muajt e fundit ishte bërë e qartë se ai do të mbetej në klub.

Para përfundimit të sezonit, Kroos madje bëri shaka se po priste që marrëveshja të mbyllej para se të shkonte me pushime.

🤍 #KROOS2024 🤍 pic.twitter.com/JSKg7wZXZP

— Real Madrid C.F. 🇬🇧🇺🇸 (@realmadriden) June 21, 2023

Real Madridi njoftoi marrëveshjen sot (e mërkurë) dhe do të ketë kënaqësinë e paraqitjeve të Kroos për një sezon tjetër në Santiago Bernabeu.

“Real Madrid CF dhe Toni Kroos kanë rënë dakord për të vazhduar kontratën e lojtarit, i cili mbetet i lidhur me klubin deri më 30 qershor 2024”, thuhet në njoftimin e Los Blancos. 

Official Announcement: Toni Kroos#RealMadrid | #Kroos2024

— Real Madrid C.F. 🇬🇧🇺🇸 (@realmadriden) June 21, 2023

Mendohet se prania e Carlo Ancelottit ka qenë e rëndësishme për vazhdimësinë e tij, si dhe fakti që ai ka vazhduar të luajë në ndeshjet kyçe sezonin e kaluar.

Megjithatë, Kroos do të ketë mjaft konkurrencë për minuta këtë sezon, me Luka Modric, Jude Bellingham, Aurelien Tchouameni, Eduardo Camavinga, Dani Ceballos dhe Federico Valverde që të gjithë konkurrojnë në mesfushë. /Telegrafi/

🤍🎱 @ToniKroos 🤍🎱#Kroos2024 pic.twitter.com/tb2ypbX6w5

— Real Madrid C.F. 🇬🇧🇺🇸 (@realmadriden) June 21, 2023