PSG e gjen zëvendësuesin e Messit në Ligën Premier

Paris Saint-Germain është duke përgatitur një ofertë për anësorin e Crystal Palaces, Michael Olise, sipas raportimeve të fundit.

Gjigantët e Ligue 1 janë në prag të humbjes së Lionel Messit dhe Neymar këtë verë.

Argjentinasi u suspendua nga klubi këtë javë pasi udhëtoi në Arabinë Saudite pa leje dhe tani ai pritet t’i bashkohet ish-rivalit Cristiano Ronaldo në Superligën Saudite.

Lexo po ashtu Lionel Messi raportohet se ka pranuar mega ofertën e Al Hilal - atij pritet t'i bashkohen edhe dy yjet e Barcelonës

Ndërkohë, Neymar është lidhur me një kalim në Ligën Premier, me Manchester United dhe Chelsea që mendohet të jenë të interesuar.

Drejtuesit e PSG-së janë tani në kërkim të zëvendësuesve të mundshëm dhe sipas Daily Mail, Olise është në krye të listës së dëshirave të tyre për transferime.

21-vjeçari, të cilit i kanë mbetur edhe tre vite kontratë, është në radarin e klubit që nga janari.

Crystal Palace nuk dëshiron ta lërë të shkojë, veçanërisht me Wilfried Zaha që pritet të largohet.

Por, shefat e klubit kanë punuar për një marrëveshje për talentin e Flamengos, Matheus Franca, i cili mund të veprojë si zëvendësues nëse secili lojtar largohet.

Lexo po ashtu Trajneri i Al Hilal refuzon të përjashtojë mundësinë e transferimit të Messit - pas mega ofertës që e lë mbrapa edhe Ronaldon

19-vjeçari pritet të kushtojë rreth 30 milionë euro, por Palace ka të ngjarë të përpiqet të ulë çmimin.

Olise iu bashkua Crystal Palace nga Reading në korrik 2021 dhe që atëherë ka bërë 68 paraqitje për klubin. /Telegrafi/