Tottenhami ia cakton dy çmime Harry Kanes – ndryshe do paguajnë skuadrat jashtë Ligës Premier për kartonin e tij

Sipas raportimeve, Tottenhami do ta detyrojë Manchester Unitedin të paguajë një çmim të lartë nëse dëshiron t’i marrë shërbimet e Harry Kane këtë verë.

SunSport raportoi muajin e kaluar se Djajtë e Kuq janë të sigurt se do të trajnsferojnë sulmuesin anglez përpara sezonit të ardhshëm, nëse Spurs përfundojnë jashtë katërshes së parë.

Harry Kane do të ketë një vit të mbetur në kontratën e tij me Tottenham në fund të sezonit dhe gjigantët evropianë po shikojnë mundësitë e transferimit të tij.

Me shpresat e londinezëve të veriut në Ligën e Kampionëve të rrënuara pas humbjes së tyre 6-1 në Newcastle, një rezultat që i dha fund qëndrimit të Cristian Stellini si ushtrues detyre i trajnerit, United mendon se ata janë në gjendje të mirë për të kryer operacionin.

Djajtë e Kuq do të ishin të gatshëm të rrisin ndjeshëm pagën aktuale të Kane prej 250,000 euro në javë.

Dhe ata besojnë se 29-vjeçari do të ishte i interesuar të bënte ndryshimin pasi të kontaktonte kampin e tij nëpërmjet një pale të tretë.

Kapiteni i Anglisë duket se nuk ka gjasa të vazhdojë kontratën e tij me Tottenham këtë verë.

Siç është situata, Telegraph pretendon se Spurs do të kërkonin të paktën 100 milionë euro nga një klub tjetër i Ligës Premier për Kane këtë verë.

Megjithatë, një ekip nga jashtë mund të paguajë vetëm rreth 80 milionë euro për kartonin e tij.

Kane besohet se dëshiron të qëndrojë në Ligën Premier, pasi ai ndjek rekordin e golashënuesit më të mirë të të gjitha kohërave të Alan Shearer.

Shearer përfundoi në 260 gola, me Kane aktualisht i treti në listën e të gjitha kohërave me 207. /Telegrafi/