Bale udhëton mbi 8000 kilometra për të realizuar fundin magjik – atë që shumë prej futbollistëve e ëndërrojnë

Gareth Bale ka udhëtuar mbi 8000 kilometra për t’u dhënë lamtumirën fansave të tij te Uellsi sonte në ndeshjen kundër Letonisë në kuadër të kualifikimeve për Euro 2024.

Legjenda 33-vejçar u pensionua në janar pasi zhvilloi 111 paraqitje dhe shënoi 41 gola për vendin e tij.

Bale ka udhëtuar nga Los Angeles për ndeshjen e vështirë kualifikuese për Euro 2024 kundër Letonisë në Cardiff.

Lexo po ashtu Gareth Bale pensionohet nga futbolli

Federata e Futbollit të Uellsit njoftoi dje se lojtari dhe golashënuesi më i mirë i të gjitha kohërave për kombëtaren e tyre, Bale do të nderohet me një kujtim të veçantë para ndeshjes paraprake të ‘Red Wall’.

FAW shkroi në Twitter: “Gareth Bale do të jetë në stadiumin e Cardiff City. Do të ketë një mundësi para-ndeshje për The Red Wall për të treguar vlerësimin e tyre për një legjendë”.

Uellsi nuk ka luajtur në shtëpi që kur ish-kapiteni Bale u pensionua pas Kampionatit Botëror, ku paraqitja e tij e fundit erdhi në një humbje 3-0 në fazën e grupeve nga Anglia nëntorin e kaluar.

Në ndeshjen e tyre të parë pa Bale, debutuesi Nathan Broadhead shpëtoi një pikë mahnitëse në ndeshjen e parë të Grupit D të së shtunën në Kroaci.

Tani – 33,000 tifozë kanë bërë një koreografi të mahnitshme për të përshëndetur Bale.

Lexo po ashtu Ish-doktori i Real Madridit shpjegon pse Cristiano Ronaldo nuk është sportisti më i mirë me të cilin ka punuar

FAW thotë se Joe Allen dhe Jonny Williams, të cilët gjithashtu kanë dalë në pension që nga Katari, të dy janë ftuar dhe do të jenë gjithashtu të pranishëm.

Chris Gunter u bë lojtari i katërt i Uellsit nga skuadra e Botërorit që i dha fund karrierës së tij ndërkombëtare në fillim të këtij muaji. Por, mbrojtësi me 109 ndeshje është pjesë e stafit të trajnerit të Robert Page. /Telegrafi/