Prigozhin: Nëse Wagner tërhiqet nga Bakhmuti, e gjithë linja e frontit rus do të bie

Yegveny Prigozhin, shef i grupit famëkeq mercenar rus Wagner, është i bindur se tërheqja e trupave të tij nga qyteti ukrainas Bakhmut, do ta shembte linjën e frontit – e më pas Rusia do të akuzonte mercenarët e këtij grupi për humbjen e luftës.

“Nëse grupi i Wagnerit tërhiqet nga Bakhmuti, tërë linja e frontit rus do të bie… Nëse grupi tani kthehet prapa, atëherë në histori do të ndodhë gjëja e ardhshme: është e qartë se vija e frontit do të bie deri në kufirin rus, e mund të vazhdojë edhe më larg”, shtoi Prigozhin, transmeton Telegrafi.

Prigozhin po ankohet se autoritetet ruse do të fajësojnë pjesëtarët e Wagnerit për humbjet në luftë, pasi tërheqja e mercenarëve rusë nga Bakhmuti mund të shkaktojë efektin e ‘pranverës’, dhe forcat ukrainase mund të depërtojnë në të ashtuquajturin territor LNR dhe atë nga të gjitha anët – duke e pastruar Luhanskun dhe Sorokynen dhe të futën në Rusi.

Lexo po ashtu Batalioni i bjellorusëve thanë se kanë shkatërruar aeroplanin spiun rus, Moska e mohoi – publikohen pamjet kur droni kamikaz zbret mbi të

Ai tutje vazhdoi duke pretenduar se në këtë rast edhe Krimea do të çlirohej dhe do t’i rikthehej ukrainasve.

E Prigozhin është tejet i mllefosur me ministrinë ruse të Mbrojtjes, që nuk po i dërgon armë e municion luftëtarëve të tij që i ka rekrutuar nga pothuajse të gjitha qytetet ruse.

Lexo po ashtu Inteligjenca ukrainase thotë se 10 mijë ushtarë të rekrutuar rusë, janë dorëzuar nga fillimi i luftës

Kjo nuk është hera e parë që Prigozhin i shpallë “luftë” ministrisë ruse të Mbrojtjes, dhe shpesh ua bën me dije se nuk po i dërgojnë municion dhe armë trupave të tij.

Kujtojmë që Wagner dhe ushtria ukrainase po zhvillojnë beteja të ashpra në qytetin e Bakhmutin, ku të dyja palët pretendojnë ta kenë nën kontroll. /Telegrafi/

https://www.youtube.com/watch?v=EelfGtZEB1o&ab_channel=%D0%9B%D1%8E%D0%B4%D0%BC%D0%B8%D0%BB%D0%B0%D0%9F%D0%BE%D0%B4%D0%BE%D1%81%D1%8F%D0%BDPodosyanLyudmila