Klopp zbulon se ka pasur aksident me makinë, e lidh atë me formën e dobët të Liverpoolit

Liverpooli po kalon një sezon të tmerrshëm dhe se sa sezon i keq është më së miri e tregon ndeshja e fundit ndaj Real Madridit në Ligën e Kampionëve.

The Reds ishin duke udhëhequr 2-0, por në fund u mposhtën para adhuruesve të vet 2-5 nga Los Blancos.

Trajneri gjerman i Liverpoolit, Jurgen Klopp ka thënë se ka pritur të ketë vështirësi apo një lloj krize pasi rinovoi kontratën me gjigantin anglez.

“Ne jemi të gjithë të ndikuar prej gjërave që kanë ndodhur së fundmi, por nuk jemi aq idiotë. Ka qenë gjithnjë e qartë që kjo skuadër ka një histori të mrekullueshme dhe mënyra se si ky klub është menaxhuar, duke mos bërë investime të çmendura dhe provuar nëse funksionon”.

“Ne nuk mund të bëjmë katër transferime pa ditur më parë se kush do të largohej. E dija që do të ishte e vështirë dhe kjo është një nga arsyet kryesore përse unë firmosa një kontratë të re”.

Lexo po ashtu Sezon katastrofë dhe paralajmërim për blerje të reja, Liverpooli në krye të listës ka yllin e Interit

“Sezoni i shkuar nuk ishte një sezon që ne mund të bënim ndryshime të mëdha. Ne luajtëm deri në momentin e fundit dhe nëse dëshiron të bësh ndryshime në klub ti nuk mund të blesh thjesht lojtarë të rinj dhe të kuptosh: ‘Oh, askush nuk do të largohet’. Nuk funksionon kështu. Por është e qartë që duhet të bëjmë diçka në verë”, tha Klopp.

Tutje trajneri gjerman ka zbuluar për herë të parë se ka pasur një aksident të vogël me makinë dhe këtë e lidhë me formën e dobët që po kalon te Liverpooli.

Lexo po ashtu Klopp kritikon lojtarët e Liverpoolit pas humbjes tronditëse ndaj Real Madridit në Ligën e Kampionëve

“Kam 37 vite me patentë dhe nuk kam bërë kurrë një aksident të rëndë me makinë. Pak ditë më parë pata një incident të vogël dhe tani eci me frikë. Kështu është edhe puna e besimit”, tha Klopp.

Pas 22 xhirove në Ligën Premier, Liverpooli mbanë pozitën e tetë në tabelë me 35 pikë të tubuara. /Telegrafi/