Biden me porosi të qartë: Shtetet e Bashkuara do të mbrojnë çdo pëllëmbë të territorit të NATO-s

Presidenti i SHBA-së, Joe Biden, u premtoi sot anëtarëve të Evropës Lindore, se SHBA-ja do të “mbrojë çdo pëllëmbë të NATO-s”, duke u dhënë atyre një garanci sigurie një ditë pasi Rusia njoftoi se nuk do të marrë më pjesë në traktatin historik të kontrollit të armëve bërthamore.

Biden ia tha këtë përfaqësuesve të Nëntëshes së Bukureshtit, anëtarë të NATO-s nga Evropa Lindore, liderët e të cilëve u takuan në Varshavë, dy ditë pas vizitës së Biden të paparalajmëruar në Kiev dhe një ditë para përvjetorit të fillimit të pushtimit rus të Ukrainës, më 24 shkurt 2022, transmeton Telegrafi.

“Angazhimi i Shteteve të Bashkuara ndaj NATO-s është absolutisht i qartë. Neni 5 është një angazhim i shenjtë i bërë nga Shtetet e Bashkuara. Ne do të mbrojmë fjalë për fjalë çdo hap të NATO-s, çdo hap të NATO-s”, tha Biden.

Lexo po ashtu Orban tha se lufta në Ukrainë nuk është problem i hungarezëve, i reagon ashpër shefi i diplomacisë çeke

Sipas nenit 5 të Traktatit të Aleancës Veri-Atlantike, një sulm ndaj çdo anëtari të NATO-s është një kërcënim për të gjithë dhe kërkon një përgjigje të përbashkët.

Më herët sot, në një takim me stafin në ambasadën e SHBA-së në Varshavë, Biden e quajti vendimin e presidentit rus Vladimir Putin për të mos marrë më pjesë në New START, traktatin e kontrollit të armëve dhe njoftimin se Moska mund të rifillojë testet bërthamore, një “gabim të madh”.

New START është traktati i fundit dypalësh midis Moskës dhe Uashingtonit për çarmatimin bërthamor, kohëzgjatja e të cilit është zgjatur deri më 5 shkurt 2026.

Lexo po ashtu Batalioni i bjellorusëve shkatërrojnë kullën vrojtuese të rusëve – i godasin me predha nga ndërtesa kolektive

“Si krahu lindor i NATO-s, ju jeni në vijën e parë të mbrojtjes sonë kolektive. Ju e dini më mirë se kushdo tjetër se cili është roli në këtë konflikt. Nuk është vetëm Ukraina, por liria dhe demokracia në të gjithë Evropën dhe në mbarë botën”, tha presidenti amerikan.

Në një deklaratë të përbashkët pas takimit, Nëntëshja e Bukureshtit u zotua të forcojë praninë ushtarake në territorin e tyre si një pengesë për Moskën.

“Rusia është kërcënimi më i madh dhe më i drejtpërdrejtë për sigurinë e Aleancës”, thuhet në deklaratën e nënshkruar nga Hungaria, edhe pse nuk mbështet asnjë sanksion kundër Rusisë dhe është i vetmi anëtar i NATO-s përveç Turqisë, që nuk e ka ratifikuar ende anëtarësimin në Suedia dhe Finlanda, kandidatë të rinj për Aleancën.

Të nëntë vendet, përfshirë Hungarinë, përsëritën sot mbështetjen e tyre për Ukrainën.

Lexo po ashtu Droni kamikaz i ukrainasve lëvizë me shpejtësi të madhe dhe përplaset në tankun rus

“E drejta legjitime e Ukrainës është të mbrohet kundër agresionit rus dhe të rimarrë kontrollin e plotë mbi territorin e saj”, thuhet në deklaratë.

“Ne do të vazhdojmë t’i mbështesim këto përpjekje të Ukrainës deri në fund, për aq kohë sa të jetë e nevojshme,” thuhet në deklaratë.

Në deklaratën e Shtëpisë së Bardhë për bisedimet mes SHBA-së dhe Grupit të Bukureshtit, thuhet se ata “riafirmuan mbështetjen e tyre të palëkundur për Ukrainën dhe theksuan se qëndrojnë së bashku me popullin ukrainas për aq kohë sa duhet”.

Udhëheqësit ranë dakord gjithashtu për të forcuar më tej unitetin dhe mbrojtjen e përbashkët në korrik në samitin e NATO-s në Lituani. /Telegrafi/