Biden me fjalim të fuqishëm në Poloni: Ukraina kurrë nuk do të jetë një fitore për Rusinë

Presidenti amerikan, Joe Biden, ka mbajtur një fjalim të fuqishëm në Varshavë të Polonisë, pas takimit me presidentin polak, Andrzej Duda.

Fjalimi i të parit të shtetit amerikan vjen disa orë pasi lideri rus, Vladimir Putin foli për dy orë në parlament, ku fajësoi Perëndimin për luftën në Ukrainë.

Biden tha se një vit më parë “bota po përgatitej për rënien e Kievit, i cili qëndron krenar dhe më e rëndësishmja… i lirë”.

BREAKING: Joe Biden, at the Royal Castle in Warsaw, Poland, says that the entire world is being tested. The United States is being tested by Russia.

He is the leader the world needs right now! Thank you Joe Biden! pic.twitter.com/702Ru77DfV

— Ed Krassenstein (@EdKrassen) February 21, 2023

Ai pohoi se aleatët u ngritën për sovranitetin dhe demokracinë përballë luftës dhe do të vazhdojnë, “pa marrë parasysh se çfarë do të ndodh”, raporton skynews.

Biden thotë se “Vladimir Putin kishte pritur që populli ukrainas të dorëzohej, kur tanket ruse hynë më 24 shkurt në Ukrainë. Por populli ukrainas është shumë i guximshëm”, shton ai.

Lexo po ashtu Rusia nuk kishte dhënë garanci për jetën e presidentit amerikan, Biden nuk hezitoi të shkonte në Kiev

“Ne ishim shumë të bashkuar, demokracia ishte shumë e fortë. Në vend të një fitoreje të lehtë, që ai e parashikoi, Putin u ballafaqua me tanke të djegura dhe forcat ruse në kaos. Putin mendoi se NATO do të thyhej dhe do të ndahej – në vend të kësaj, NATO është më e bashkuar dhe më e bashkuar se kurrë më parë”, shtoi ai.

“Putin e gjeti veten në luftë me një komb të udhëhequr nga një njeri, guximi i të cilit do të farkëtohej në zjarr dhe çelik – presidenti Zelensky”.

"One year ago, the world was bracing for the fall of Kyiv… Kyiv stands strong, Kyiv stands proud, it stands tall, and most importantly it stands free"

US President Joe Biden makes a speech from Poland following his visit to Ukrainehttps://t.co/p8IyttSPuL pic.twitter.com/ENI188uyBS

— BBC News (World) (@BBCWorld) February 21, 2023

Ai tha se “udhëheqësi rus është përballur sot me diçka që ai nuk e mendonte se ishte e mundur një vit më parë – demokracia e botës është bërë më e fortë”.

Joe Biden kishte edhe një mesazh për presidentin rus, duke thënë para masës se “apetitet e autokratit nuk mund të qetësohen – ato vetëm mund të kundërshtohen”.

Lexo po ashtu “Të lodhur, të zhgënjyer...” - fytyrat e njerëzve kryesor të Putinit ndërsa udhëheqësi rus mbajti një fjalim

“Autokratët kuptojnë vetëm një fjalë – jo, jo, jo. Ukraina kurrë nuk do të jetë kurrë një fitore për Rusinë. Ai mund ta mbyllë luftën me një fjalë – është e thjeshtë”, pohoi Biden.

Ai shton se “gjithçka që bëjmë tani duhet të bëhet që ta dinë edhe fëmijët dhe nipërit tanë”.

Në një moment të paharrueshëm, Biden pohoi se “Liria është armiku i tiranëve. Liri, qëndro me ne, ne do të qëndrojmë me ty. Le të ecim përpara me besim dhe bindje dhe një angazhim të detyrueshëm për të qenë aleatë”.

Ndryshe, Biden gjatë ditës së djeshme kishte vizituar papritmas kryeqytetin ukrainas, Kievin, ku është takuar me presidentin Zelensky. /Telegrafi/