Piraj: Fakti se prodhimet e Kosovës eksportohen tregon se janë shumë të mira – dallon shija dhe cilësia
Fakti se produktet e Kosovës eksportohen është tregues se ato kanë cilësi shumë të mirë thotë Burim Piraj, prodhues vendor dhe nismëtar i fushatës “Besa-besë” për bojkotimin e produkteve serbe.
Ai në një intervistë në emisionin “Përballje” në Telegrafi.com, tha se qytetari duhet të dijë të bëjë dallimin mes cilësisë së një produkti dhe shijes.
“Ka pasur njerëz që kanë dashur ta devijojnë fushatën duke thënë se prodhimet vendore kanë cilësi të dobët. Ne asnjëherë nuk kemi kërkuar që të blihen produktet vendore. Ne konsiderojmë se vetë fakti se produktet e Kosovës eksportohen jashtë, janë shumë të mira. Qytetari duhet ta dijë një gjë – dallon cilësia e produktit dhe shija. Një produkt mund të jetë shumë i dëmshëm, por i shijshëm dhe anasjelltas”, deklaroi Piraj në intervistën me kryeredaktorin Muhamet Hajrullahu.
Ai shtoi se prodhuesit vendorë në Kosovë janë të dëmtuar, kjo pasi sipas tij, në institucione udhëheqin njerëz që nuk e njohin ligjin për tregti të brendshme, duke favorizuar kështu prodhuesit e huaj dhe jo ata vendorë.
“Është situatë jo e mirë në Kosovë. Nuk dua t’i adresohem qeverisë aktuale, por në aparatin shtetëror nuk ka njerëz që janë të vetëdijshëm për atë që bëjnë. Ne e kemi pasur një takim në Ministrinë e Industrisë, Ndërmarrësisë dhe Tregtisë, ku kemi takuar një zonjë që ishte e autorizuar për përpilimin e ligjit për tregti të brendshme. Unë kam qenë ekstrem ekstrem i befasuar nga energjia e zonjës që në ligj me qenë gjithçka kundër nesh dhe mos me qenë tolerante aspak”.
“Ligji i tregtisë së brendshme parasheh që 50 për qind e artikujve në markete duhet të jenë vendorë. E zyrtarja e MINT-it më thoshte nuk vjen në shprehje kjo. Nuk janë të vetëdijshëm për ligjin që e kanë në dorë. Prej CEFTA-s prodhuesit vendorë në Kosovë janë shumë të dëmtuar”, u shpreh Piraj.
Ai tutje foli edhe për fushatën “Besa-besë”, qëllimi i së cilës tha se është që t’i nxisë qytetarët që t’i bojkotojnë prodhimet serbe.
Piraj gjithashtu përmendi një problem me të cilin po përballen në vazhdimësi. Ai tha se brenda ditës pranojnë deri në 300 raportime për ndërrim të flamurit të origjinës së produktit.
“Kemi shumë problem me flamujt dhe të gjithë, diku mbi 100 mijë anëtarë sa jemi bërë në grupin e fushatës në Facebook, merremi me atë çështje. Deri në 300 raportime i kemi brenda ditës. Kemi parë se MINT ka deklaruar se Inspektorati i Tregut ka shqiptuar disa gjoba. Qëllimi i grupit tonë nuk është shqiptimi i gjobave, por të vendoset rregull në treg – pra duhet që të mos bëhet kontrabandimi i origjinës së produkteve”.
“Ne konsiderojmë që produktet serbe nuk janë të rëndësishme aspak. Edhe pa ato mund të jetohet mirë, përveç vajit dhe miellit. Tjerat nuk e ndryshojnë jetën e njeriut aspak. Nuk është tendenca jonë zëvendësimi i tyre, por heqja nga tregu”, përfundoi ai. /Telegrafi/
Promo
Reklamo këtuLufta Prigozhin - Putin
Më shumëFranca është magnet për investitorët e huaj - cilat reforma i bëri për t'i lënë pas Gjermaninë e Britaninë?
Policia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Qysh bohet kerri i vogël, kerr i ri!
Bëhu banor i kryeveprës së Prizrenit - Grand Residence
Me çka e shijon bukën ma s'shumti edhe pse bash me sugjukun Meka?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City