Trajkoviq: Sulmet ndaj KFOR-it dhe EULEX-it, të rrezikshme dhe rrisin tensionet

Rada Trajkoviq, këshilltare politike e ministrit për Komunitete dhe Kthim, Nenad Rashiq ka reaguar pas incidentit të fundit të ndodhur në veri të Kosovë, ku është sulmuar nga afër një patrullë e KFOR-it në Zubin Potok.

Trajkoviq me anë të një shkrimi në Twitter ka theksuar se trendi i rritjes së tensioneve duke sulmuar KFOR-in dhe EULEX-in paraqet rrezik për sigurinë e komunitetit.

“Barrikadat nuk janë heroizëm apo përgjigje autentike e popullit (siç e prezantojnë edhe disa media të pavarura), por rezultat i politikave të gabuara të Beogradit dhe Prishtinës. Trendi i rritjes së tensioneve ndërmjet serbëve të veriut [të Kosovë] dhe KFOR/EULEX-it, përveç që është pa qëllim, është i rrezikshëm edhe për sigurinë e komunitetit”, shkruan Trajkoviq.

Nema stabilizacije Severa bez povratka lokalnih Srba u kosovsku policiju. To je jasno i ko to negira, ne želi dobro Srbima na severu. Dva su prioriteta: povratak u KP i hitno nalaženje kompromisa o ZSO (po preporuci DAS Eskobara). Alternativa je sukob koji će nas sve puno koštati

— Rada Trajkovic (@trajkovic_rada) December 26, 2022

Sipas saj, nuk ka qetësi në veri të vendit pa kthimin e serbëve lokal në Policinë e Kosovës.

“Nuk ka qetësi të veriut pa kthimin e serbëve lokal në Policinë e Kosovës. Kjo është e qartë dhe kushdo që e mohon, nuk u dëshiron të mirën serbëve në veri. Ka dy prioritete: kthimi në Policinë e Kosovës dhe gjetja urgjente e një kompromisi për AKS-në (ashtu siç rekomandohet nga DAS Gabriel Eskobar). Alternativa është një konflikt që do të na kushtojë shumë të gjithëve”, ka përfunduar ajo.

Sot është dita e 17-të prej kur serbët kanë vendosur kamionë e makineri të rënda në rrugët në veri të Kosovës, në shenjë revolte për arrestimin e ish-policit serb Dejan Pantiq.

Pantiq është duke u mbajtur në paraburgim nën dyshimet se ka organizuar sulm terrorist në zyrat e Komisionit Komunal të Zgjedhjeve. /Telegrafi/