E-mailet që kanë “rrjedhur” nga një sinjalizues pranë Shërbimit Sekret rus (FSB), të shpërndara nga Newsweek, zbulojnë luftën civile në mesin e njerëzve më të besueshëm të Vladimir Putinit, derisa lufta e tij në Ukrainë po vazhdon të lëkundet.
Agjenti i shkruan rregullisht raporte disidentit rus në ekzil Vladimir Osechkon, duke zbuluar kështu zemërim dhe pakënaqësi brenda FSB-së, lidhur me luftën që Putini e filloi në Ukrainë gjatë 24 shkurtit, transmeton Telegrafi.
Osechkin është një aktivist rus për të drejtat e njeriut që udhëheq ueb-faqen që lufton korrupsionin Gulgagu.net.
E-mailet që u shpërndanë në Newsweek nga Igor Sushko, drejtori ekzekutiv i “Wind of Change Research Group” me seli në Washington dhe që është një organizatë fitimprurëse, shfaqin realitetin që mbretëron në Moskë.
Sushko ka përkthyer korrespondencat nga rusishtja në gjuhën angleze, që kur filloi shkëmbimi e-mailave më 4 mars. Më herët letrat e shpërndara brenda FSB-së nga një sinjalizues ishin publikuar nga Osechkin, dhe analizuar nga Christo Grozev, ekspert në FSB.
Ai ua kishte treguar e-mailet dy kolegëve të tij nga FSB-ja, që “nuk kishin dyshim se janë shkruar nga një koleg i tyre”.
E-mailet e fundit të agjentit rus janë të nëntorit dhe tregojnë për trazirat e brendshme dhe konfliktin brenda Kremlinit, duke parashikuar një luftë civile “të pashmangshme”, dhe se Rusia së shpejti do “të zbresë në humnerën e terrorit” ndërsa njerëzit lodhen gjithnjë e më shumë nga lufta.
Sinjalizuesi është fokusuar në Yevgeny Prigozhinin, aleatin e ngushtë të Putinit dhe njëherit themeluesin e ushtrisë private të mercenarëve Wagner Group dhe liderin çeçen Ramzan Kadyrov.
Që të dy, Prigozhin dhe Kadyrov vazhdojnë të kritikojnë mënyrën se si po trajtohet lufta e Putinit në Ukrainë, që është një tregues tjetër se përçarjet brenda Kremlinit kanë filluar të shfaqen.
Instituti amerikan për Studime të Luftës, ISW, gjithashtu ka theksuar se në fund të tetorit Prigozhin dhe grupi i tij i paramilitarëve mund të përbëjnë një lloj kërcënimi për pushtetin që e ka Putini.
Sidoqoftë, agjenti i FSB ka thënë se nuk ka “ndonjë model e ndërrimit të pushtetit” në Rusi.
“Nuk ka gjasë që gjithçka që ndryshojë” në Rusi, në mënyrë që vendi në tërësi të funksionojë dhe të mos bie në humnerën e terrorit”, thuhet në një e-mail, duke paraqitur se si do të luhej një luftë civile në Rusi. /Telegrafi/
Lufta Prigozhin - Putin
Më shumëNjë nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Mallkimi i Faraonit: Mitet dhe realiteti i varreve egjiptiane
Ukrainasit sërish sulmojnë me dron një rafineri nafte në Rusi
Blinken në Tel Aviv: Hamasi duhet të pranojë propozimin për armëpushim
Njeriu më i shkurtër në botë është më i vogël se një shalqi: Hyri në librin Guinness, por jetën nuk e ka aspak të lehtë
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit