Pesë destinacion e mundshme të Ronaldos, nëse largohet në janar nga United

Cristiano Ronaldo me gjasë do të largohet nga Manchester Uited qysh në afatin kalimtar të janarit, pas intervistës shpërthyese në emisionin e Piers Morgan të dielën mbrëma.

Mediat në Angli bëjnë të ditur se ylli portugez e ka bërë këtë me qëllim, në mënyrë që të largohet nga Djajtë e Kuq në afatin e dimrit.

Por, ende nuk ka ndonjë destinacion të mundshëm se ku mund të transferohet 37-vjeçari, derisa Mirror Football ka disa opsione.

Chelsea, Sporting, Inter Miami, klubet në Arbanië Saudite dhe Paris Saint-Germain, mund të jenë vendet, ku mund të shkojë pesë herë fituesi i Topit të Artë.

Ronaldo e bëri këtë intervistë para nisjes së Kupës së Botës, duke i lënë vetës më shumë hapësirë që të gjejë një klub të ri.

Edhe në verën e këtij viti, portugezi synoi të largohej nga “Old Trafford”, por nuk kishte interesim serioz për të nga klubet e mëdha.

Chelsea shihet si destinacioni i mundshëm, pasi Todd Bohely me bashkëpronarët e tjerë e duan atë në “Stamford Bridge”. /Telegrafi/