Me vonesat në termine për t’iu nënshtruar provimit për patentë shoferë, që nga koha e pandemisë janë duke u përballur kandidatët të cilët dëshirojnë të pajisen me këtë dokument.
Situatë e njëjtë është duke vazhduar edhe tani, ndërsa qytetarët në Prishtinë u shprehen të shqetësuar lidhur me këto vonesa.
Qytetarja Leandra Llugiqi tha për Telegrafin se për t’ju nënshtruar testit me shkrim ka pritur dy muaj.
Tutje ajo shtoi se kjo periudhë ka qenë stresuese për të pasi ishte zvarritur procesi shumë.
“Unë kam pritur për të hyrë në test për kalimin e patentë shoferit, rreth dy muaj prej janarit deri në mars. Ishte shumë periudhë stresuese edhe kur pret diçka që dëshiron me e kry më shpejtë”, tha ajo.
Të njëjtin rast e kishte edhe Elion Hasi. Ai tha se kishte pritur dy muaj për t’iu nënshtruar këtij procesi, duke shtuar se edhe shoku i tij që kishte shkuar t’i nënshtrohet testit ka pritur po aq sa ai.
“Unë kam pritur dy muaj diku për të hyrë në test edhe shoku im që erdhi sot për t’iu nënshtruar testit ka pritur po aq. Realisht është kohë e gjatë por duhet të kemi durim”, përfundoi ai.
Rreth dy muaj ka pritur edhe Laura Krasniqi, ajo e vlerëson si shumë stresuese këtë periudhë. Mirëpo sipas saj nëse shihet nga këndvështrimi tjetër mund të thuhet se është kohë e mirë për t’u përgatitur më shumë për provime.
“Rreth dy muaj ka qenë kohëzgjatja që kam pritë për të hyrë në test. Të krijon stres kjo pjesë e mundem me thanë që është stres pa nevojë. Mirëpo nëse shikojmë këtë pjesën që të përgatitemi më shumë për test është kohë e mirë”, vlerësoi Krasniqi.
Ndërsa, si periudhë të volitshme për tu përgatitur më shumë, e sheh Leart Avdiu. Ai ka pritur një muaj e një javë që t’i nënshtrohet testeve për patentë shoferë.
“Unë kam pritur një muaj e një javë. Ndoshta është e duhur kjo kohëzgjatje sepse na duhet për tu përgatitur më shumë. Pra kjo kohë është e volitshme nëse e shikojmë në këtë aspekt”, tha ai.
Ndërsa, lidhur me këtë, Telegrafi ka provuar të kontaktojë Ministrinë e Mjedisit dhe Infrastrukturës, mirëpo të njëjtit nuk kanë kthyer përgjigje.
Kurse ditë më parë Ministria e Punëve të Brendshme (MPB), në një përgjigje për Telegrafin tha se ka mungesë të materialit për punimin e pasaportave dhe patentë shoferëve.
“Për arsye të krizës globale, si dhe pandemisë me COVID-19, furnizimet me material janë vështirësuar. Si shumë shtete të tjera, ashtu edhe ne po kemi vështirësi të furnizimeve me materiale, këto vështirësi i ka shkaktuar kriza globale, si dhe pandemia me COVID-19″, deklaruan nga kjo ministri.
Tutje në përgjigjen e MPB-së, thuhet se me këto dokumente janë duke u pajisur vetëm personat që kanë nevoja urgjente për to.
“MPB është e përkushtuar që të pajisë të gjithë qytetarët me dokumente, e në veçanti rastet që kanë nevojë urgjente”./Telegrafi/
Lufta Prigozhin - Putin
Më shumëKosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Kushtëzimi me Asociacionin, Kurti s’flet për qëndrimin e Gjermanisë rreth anëtarësimit të Kosovës në KiE
Kryeministri malazez, Spajiq: Nuk do të heqim dorë nga NATO-ja dhe njohja e Kosovës
Publikohet dosja, si e rekrutoi inteligjenca ruse Mikhail Zorin të vinte në Shqipëri dhe të mblidhte informacione
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës