Mauro Icardi rikthehet dhe vendos ‘Derbin e qytetit’ me dy gola – Rashica luan gjithë ndeshjen dhe ishte ‘arkitekt’ i golit të parë

Galatasaray ka shënuar fitore ndaj Besiktasit me rezultat 2-1, ku Mauro Icardi shënoi të dy golat për vendasit.

“Derbi i qytetit” kishte një interesim të madh pasi të dy skuadrat po luftojnë për kreun e renditjes.

“Luanët” shënuan të parët në minutën e 18-të të takimit, ku aksioni nisi nga këmbët e Milot Rashicës.

Anësori i Kosovës rrotullohet në krahë dhe më pas hedh me të majtën një harkim të rrezikshëm në zonë, ku Baris Alper Yilmaz pason me kokë për te Mauro Icardi, i cili lëshon një “predhë” në portën e Besiktasit për 1-0.

GOAL
Mauro Icardi doing his job.
Galatasaray leading
1-0 https://t.co/jwZiZy0GgF

— Kaan🇹🇷 (@khagan_07) November 5, 2022

Por 10 minuta më vonë erdhi reagimi i mysafirëve, që barazuan ndeshjen me golin e Cenk Tosun.

Pjesa e parë u mbyll me rezultat të barabartë 1-1.

Por Galatasaray kishte plan që ta fitonte ndeshjen dhe ktheu epërsinë në minutën e 59-të, kur Sergio Oliveira asistoi te Icardi që shënoi për 2-1, që ishte goli i tij i katërt në këtë sezon me fanellën e ‘Luanëve’.

https://twitter.com/RoyNemer/status/1588960109505699842

Me këtë rezultat u mbyll edhe takimi, që e dërgon Galatasarayn në pozitën e dytë me 24 pikë, dy më shumë se Besiktas që mban vendin e pestë. Lider është Fenerbahce që ka tubuar 26 pikë dhe ka një ndeshje më pak të zhvilluar.

Icardi’nin ikinci golünün ardından yaşadığımız sevinç! 💫🦁 #GSvBJK pic.twitter.com/Lov5DfKtAV

— Galatasaray SK (@GalatasaraySK) November 5, 2022

Milot Rashica luajti në këtë takim për 90 minuta dhe ishte prej më të mirëve në fushë. /Telegrafi/