Presidentja e Komisionit Evropian pritet sot Tiranë

Presidentja e Komisionit Evropian Ursula Von der Leyen do të vizitojë sot Tiranën, për të prezantuar planin e Bashkimit Evropian për përballimin e krizës energjetike.

Von Der Leyen do të pritet në takim nga Kryeministri Edi Rama dhe më pas të dy do të dalin në një konferencë të përbashkët për shtyp.

Von der Leyen do të takojë edhe Presidentin e Republikës, si dhe do të shohë një seksionin e hekurudhës Tiranë-Durrës që po ndërtohet me fonde të BE dhe BERZH.

Agjenda e takimit:

14:30 – Ceremonia e mikpritjes në Aeroportin Ndërkombëtar “Nënë Tereza”

15:45 – Takim bilateral mes dy delegacioneve në Kryeministri

16:30 – Konferencë për shtyp mes Kryeministrit Edi Rama dhe Ursula von der Leyen, Presidente e Komisionit Europian në sallën COD, Kryeministri.

Presidentja e Komisionit Evropian, Ursula von der Leyen nisi dje turin në vendet e Ballkanit Perëndimor me vizitën në Maqedoninë e Veriut.

Sot ajo pritet të vizitojë edhe Prishtinën, ndërsa në 28 tetor do të jetë në Beograd dhe Sarajevë, duke përfunduar udhëtimin në rajon më 29 tetor, në Podgoricë. /Telegrafi/