Allegri pas humbjes nga Milani: Luajtëm keq teknikisht, duhet të reagojmë

Massimiliano Allegri ka folur në konferencë për shtyp pas humbjes 2-0 kundër Milanit në San Siro, duke treguar se ndihet i pakënaqur me paraqitjen e ekipit.

Trajneri toskan ka kritikuar skuadrën e tij pas humbjes në derbi ndaj Milanit, por pret të rikthehen dhe të reagojnë nga java e ardhshme.

“Ekipi bëri mirë për 20 minuta, pastaj filluam ta pasonim topin mbrapsht pa asnjë arsye. Dy golat ishin të shmangshëm. Patëm situata të rëndësishme në avantazhin numerik, por bëmë zgjedhje të gabuara dhe në fund paguam një çmim të lartë”, ka thënë fillimisht Allegri pas ndeshjes.

“Ne duhet të reagojmë, kemi një ndeshje të rëndësishme të martën dhe kemi kohë për t’i kthyer gjërat në Serie A. Nuk kemi fituar kurrë dhe duhet ta rregullojmë këtë”.

FT | ⌛️ | Full-time at San Siro.#MilanJuve #ForzaJuve pic.twitter.com/rN1T7VD8tT

— JuventusFC 🇬🇧🇺🇸 (@juventusfcen) October 8, 2022

“Mendoj se kemi luajtur një lojë të keqe teknikisht, veçanërisht në pjesën e dytë. U rrëzuam psikologjikisht, duke bërë shumë gabime”.

“Nuk ka shumë për të thënë, ne vetëm mund të reagojmë, kemi një tjetër ndeshje të rëndësishme të Ligës së Kampionëve të martën, pastaj derbin e Torinos. Ne bëmë të njëjtat gabime, duke pësuar dy herë, sigurisht që duhet të reagojmë”.

“Besoj se pas 25 minutash filluam ta kthenim topin kur nuk ishte nevoja, ndaj duhet të përmirësohemi. Ne duhet t’i japim fund kësaj situate në një farë mënyre, mirë apo keq. Ne duhet të reagojmë, të fitojmë më shumë sfida, të rikuperojmë energjitë dhe të përpiqemi të fitojmë në Izrael”, përfundoi italiani.

Bardhezinjtë tani kanë humbur dy ndeshje nga nëntë në Serie A dhe janë shtatë pikë prapa liderëve të tabelës, Napolit dhe Atalantës që luajnë sot, kështu që ata mund të ngjiten në +10 pas vetëm nëntë ndeshjesh.

Bianconerët kanë shënuar 12 gola në Serie A këtë sezon, duke pësuar shtatë të tjerë. Javën e ardhshme ata vizitojnë Torinon në Derby Della Mole.

Juventusi nuk ka fituar asnjëherë si mysafir këtë sezon, duke marrë dy barazime kundër Sampdorias dhe Fiorentinës dhe duke humbur ndaj PSG, Monza dhe Milan. /Telegrafi/