Procesi i Vettingut në drejtësi, ka filluar rrugën drejt finalizimit. Që ky proces të përmbyllet me sukses, duhet të amendamentohet Kushtetuta, për çka nevojiten votat e 2/3 e deputetëve, përfshirë edhe 2/3 e votave të komuniteteve. Njohës të drejtësisë thonë se Lëvizja Vetëvendosje, duhet të punojë që t’i bindë deputetët që ta përkrahin Vettingun. Në këtë parti, ndërkaq thonë se po punojnë në këtë drejtim.
Kryeministri Albin Kurti së bashku me ministren e Drejtësisë, Albulena Haxhiu, më 4 shtator, proceduan në Kuvend dosjen me dokumentet për Vettingun në drejtësi.
Dosja përmban edhe propozim-amendamentet kushtetuese dhe projektligjin për vettingun. Këto dokumente pritet të shqyrtohen në muajt në vijim, gjatë sesionit dimëror të legjislativit.
Për përmbylljen me sukses të Vettingut, janë të domosdoshme ndryshimet e Kushtetuese, për të cilat duhen votat e 2/3 të të gjithë deputetëve, përfshirë edhe 2/3 e votave të deputetëve të komuniteteve.
Në këtë rast, partia në pushtet ka nevojë për vota nga opozita, e problem mund ta ketë edhe sigurimin e votave të Listës Serbe.
Gëzim Shala, nga Instituti i Kosovës për Drejtësi, thotë se Vetëvendosje duhet të punojë që t’i bindë deputetët që të japin votën pro Vettingut.
“Definitivisht i takon shumicës parlamentare dhe qeverisë që të zhvillojë bisedime dhe të bindë opozitën dhe komunitetet jo shumicë që të japin votën për vettingun. Nëse nuk arrihet që të ndryshohet kushtetuta, sipas procedurës, e cila është konsiderueshëm e vështirë për t’u kaluar, Vettingu nuk mund të bëhet. Nëse nuk ka një dakordim të tillë, në mënyrë që të sigurohen 2/3 e votave të të gjithë deputetëve, një proces i tillë nuk mund të përmbyllet”, tha Shala, për RTK.
Meqë procesi i Vettingut është me interes vital, Shala tha se duhet të ketë konsensus politik dhe përkrahje nga opozita.
Deputeti i Vetëvendosjes, Adnan Rrustemi, teksa zotohet se do t’i respektojnë të gjitha rekomandimet e Komisionit të Venecias në lidhje me Vettingun në Kosovë, thotë se shpreson në bashkëpunimin edhe me opozitën.
Ai tha tutje se shpreson që Vettingu do të përmbyllet me sukses dhe se për këtë, janë të gatshëm për bashkërendim me opozitën.
“Vettingu është domosdoshmëri shoqërore dhe institucionale në Kosovës. Si i tillë do të realizohet. Realizimi i vettingut sipas opsionit të pestë të propozuar, kërkon ndryshime kushtetuese. Natyrisht ne jemi të interesuar për të krijuar konsensusin e gjerë politik e shoqëror për t’i miratuar këto ndryshime, sepse reforma në drejtësi është reformë sistematike dhe strategjike, dhe që tejkalon një mazhorancë dhe një mandat”, tha ai.
Ndërkohë, në lidhje me mënyrën se si po synohet të realizohet procesi i Vettingut nga opozita, Këshilli Gjyqësor i Kosovës dhe ai Prokurorial, tashmë kanë shprehur disa kundërshtime.
Promo
Reklamo këtuLufta Prigozhin - Putin
Më shumëDita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të
Anëtarësimi i Kosovës në KiE-së, Kosova dhe Zvicra mbajnë takimin konsultativ
Rama: Spitali i Kryeqytetit po bëhet, shumë shpejt projekti do të tenderohet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe