Nga e hëna Kompania kosovare për Distribuimin me Energjinë Elektrike (KEDS) ka filluar të zbatojë një urdhëresë nga Operatori i Sistemit, Transmisionit dhe Tregut (KOSTT), që të reduktojë kufizimet e energjisë elektrike.
Në lidhje me këtë vendim, Telegrafi ka marrë mendimet e qytetarëve.
Qytetari, Hajdar Pasha tha se Kosova nuk ka punuar e s’ka investuar në ekonomi, sidomos në energjinë elektrike.
“S’kam koment, s’ka rrymë, s’kanë investu. Krejt marrin qymyr prej nesh, ne s’bëjmë termocentrale. Maqedonasit marrin thëngjill prej nesh, e prodhojnë rrymë me thëngjillin tonë, e tash na duhet t’i lusim ata a po na shisni rrymë a jo. Është një strategji shumë e gabuar, duhet të investojmë në ekonomi, sidomos në energji. Gjithë kjo krizë energjetike… Bateritë shumë mirë që janë bërë, por duhet të kesh rrymë. Kur s’ke rrymë, çka donë me shti në bateria”, ka thënë Pasha.
Edhe Ramadan Mustafa tha se meqë ka reduktime të rrymës, si pensionistë që është duhet ta shikojë mundësinë për të blerë dru, edhe pse siç tha ai “Duhet ta zvogëloj standardin e jetës”.
“Tash duhet me ble dru. Me u nxe me pelet është shtrenjtua shumë. Rryma nuk është e sigurt, drutë janë shtrenjtua shumë. Merre me mend cfarë situate. Si pensionist që jam duhet të zvogëloj standardin, më pak të nxehem”, u shpreh Mustafa.
Ndërsa, Besim Elshani dekalroi se qytetarët duhet të kursejnë energji elektrike.
“Koha e vështirë, në ditë të vështirë. Duhet me u gjet me resurset tona që i kemi. Duhet me i shfrytëzu. Duhet të kursejnë qytetarët, të bëhet më të përgjegjshëm”, u shpreh ai.
E qytetarja, Sofije Gashi theksoi se KEDS duhet të marr masa që qytetarët të mos kenë reduktime të energjisë elektrike, pasi siç tha ajo janë pagues të rregullt të energjisë.
“S’kemi çka me bo, rrimë pa rrymë. Duhet të marrin masa. Ne dhe ashtu po e paguajmë”, ka thënë qytetarja, Sofije Gashi.
Ndryshe, nga sot vendi do të furnizohet vetëm nga prodhimi vendor si dhe do të ketë reduktime të energjisë elektrike.
Sipas KEDS dhe KESCO nuk kanë mundësi financiare që të nominojnë energji jashtë asaj që prodhohet nga gjeneratorët vendorë.
Deri tek kjo situatë ka ardhur për shkak të çmimeve enorme që ekzistojnë në tregjet ndërkombëtare dhe mos mbulimit të kostos së sistemit.
Tutje kanë thënë se kjo ka sjellë situatë të rëndë financiare edhe për KOSTT-in, të cilën ENTSO nuk e lejon më të bëjë devijime.
“Kjo bën që secila kërkesë mbi prodhimin vendor të kufizohet në pamundësi të mbulimit nga importi.
Siç theksohet në komunikatë, energjia elektrike e blerë deri tani ka shkaktuar humbje enorme si për KEDS-in, ashtu edhe për KESCO-n”, thuhej në njoftimin e tyre.
Sipas KEDS, gjatë shqyrtimit të jashtëzakonshëm tarifor, rregullatori kishte marrë parasysh subvencionin e qeverisë prej 100 milionë eurosh, por asnjë cent nga ajo shumë nuk është shpërndarë tek furnizuesi.
“Kjo, e ka rënduar gjendjen edhe më tepër. Sot, disa muaj pas, të gjitha mundësitë financiare janë shterruar. Të dy kompanitë vitin e fundit e kanë mbyllur vitin me humbje të mëdha financiare, njëra 27.8 milionë euro, e tjetra 18.5 milionë euro, në një total që shkon në mbi 46 milionë euro humbje”.
“Dy kompanitë, pra KEDS dhe KESCO nuk mund të bartin më të vetme barrën e krizës botërore energjetike dhe pasojat e saj në Kosovë. Kërkohet me urgjencë edhe veprimi i aktërëve tjerë në mënyrë që së bashku ta përballojmë këtë krizë”, thuhet në njoftimin e KEDS. /Telegrafi/
Promo
Reklamo këtuLufta Prigozhin - Putin
Më shumëVazhdon super oferta për Peugeot 2008 nga Mercom Company
A jeni gati për mbrëmjen e Maturës?
Viva Fresh Store renditet si grupi i pestë më i madh i shitjeve me pakicë në Ballkanin Perëndimor!
Kurrë s’e ke pas ma lehtë se me Telegrafi Jobs me gjetë punë!
Fito iPhone 15 duke shikuar Prishtina Open 2024
Scardian Sigurime shpallet fituese e çmimit “Best Insurance Company in Kosovo 2023” nga FMI
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'