Conte ende beson se Lukaku ishte transferim i madh për Chelsean

Trajneri i Tottenham Hotspur, Antonio Conte beson se Romelu Lukaku ishte ende një nënshkrim i mirë për Chelsean, pavarësisht kthimit të tij te Interi këtë verë.

Blgu nënshkroi për Blutë verën e kaluar për një tarifë rekord të klubit, por pas një fillimi pozitiv në periudhën e tij të dytë në klub, ai nuk arriti të bënte një ndikim të vërtetë në “Stamford Bridge”.

Ai tani është rikthyer në “San Siro” në një marrëveshje huazimi për një sezon pasi shënoi vetëm 15 gola në 44 ndeshje sezonin e kaluar.

Lexo po ashtu Donte hakmarrje te Chelsea, çfarë gjeti te Interi, disa fjalë për Evertonin, Anderlechtin dhe Conten - Lukaku i përmbledh të gjitha

Conte, i cili më parë ishte në krye të Chelseat nga viti 2016 deri në 2018, kaloi dy sezone në Inter përkrah sulmuesit belg, me dyshen që rezultuan të suksesshëm së bashku.

Ata fituan titullin e Serie A në 2021, me Lukaku që shënoi gjithsej 64 gola në të gjitha garat gjatë këtyre dy viteve.

Pavarësisht formës së dobët të 29-vjeçarit në Londrën perëndimore, Conte ende beson se ai ishte një nënshkrim i mirë për skuadrën e Thomas Tuchel.

Kur foli për mediat përpara përballjes së Chelseat kundër Spurs të dielën përmes Telegraph, ai deklaroi: “Ne po flasim për një shumë të madhe parash për një lojtar dhe mendoj se po flasim për një sulmues vërtet të rëndësishëm në botë”.

“Por, ndonjëherë ndodh një situatë jashtë futbollit dhe mendoj se Romelu jetoi dy vjet në Milano dhe ai ishte mbret”.

“Tifozët i treguan atij shumë pasion dhe mendoj se ai është një djalë që ka nevojë për këtë. Dhe për këtë arsye, unë mendoj se ai donte të kthehej në Milano. Por, me siguri, nënshkrimi ishte një nënshkrim i mirë për Chelsean”.

“Pastaj, ju e dini shumë mirë se ka lojtarë që kanë nevojë për më shumë kohë për të bërë një ndikim. Por, me siguri, ai ishte një nënshkrim i mirë për Chelsean”.

“Ai ka potencialin për të luajtur në Ligën Premier. Më kujtohet shumë mirë kur filloi të luante sezonin e kaluar, ai luajti shumë mirë dhe ju në media thatë se Lukaku është vërtet i fortë”.

Lexo po ashtu Chelsea planifikon të rinovojë edhe për një vit huazimin e Lukakut te Interi

“Shumë gjëra mund të ndodhin që besimi të bjerë. Tani është e drejtë që ai të luajë për një klub të rëndësishëm në Itali për të provuar të rifitojë besimin te vetja”.

“Mirëpo, ne po flasim për një sulmues vërtet të rëndësishëm, vërtet të mirë”, shtoi më tej trajneri i Totternhamit.

Të dyja skuadrat po shkojnë në derbin e Londrës të së dielës pas fitoreve në fundjavën hapëse të sezonit të Ligës Premier.

Chelsea fitoi 1-0 si mysafir i Evertonit, ndërsa Spurs mposhtën Southampton 4-1 në shtëpi. /Telegrafi/