Lufta në Ukrainë filloi me Krimenë dhe duhet të përfundojë me çlirimin e saj.
Kështu ka thënë presidenti Volodymyr Zelensky, i cili po fliste vetëm disa orë pasi një varg shpërthimesh goditën një bazë ajrore ruse atje, duke vrarë një person.
Zelensky nuk i përmendi shpërthimet, por ia kushtoi fjalimin e tij të natës gadishullit, duke thënë: “Krimeja është ukrainase dhe ne kurrë nuk do të heqim dorë nga ajo”.
Rusia ka minimizuar shpërthimet dhe një këshilltar i lartë ukrainas mohoi se Ukraina ishte përgjegjëse.
Krimea është zyrtarisht pjesë e Ukrainës, por u aneksua nga Rusia në vitin 2014 pas një referendumi të cilin komuniteti ndërkombëtar e sheh si të paligjshëm.
Dhe shumë ukrainas e shohin këtë si fillimin e luftës së tyre me Rusinë.
Të martën, një seri shpërthimesh tronditën bazën ushtarake Saky pranë Novofedorivka, në perëndim të Krimesë, e cila është pranë vendpushimeve bregdetare të njohura nga turistët rusë.
Ministria ruse e mbrojtjes këmbënguli se shpërthimet ishin për shkak të municioneve që kishin shpërthyer në një depo – edhe pse kjo nuk është verifikuar në mënyrë të pavarur.
Ndërsa ndihmësi i presidentit ukrainas Mykhailo Podolyak mohoi se Ukraina ishte pas shpërthimeve, duke i thënë kanalit televiziv online Dozhd: “Sigurisht që jo. Çfarë kemi të bëjmë me këtë?”.
Çdo sulm ndaj Krimesë nga Ukraina do të konsiderohej “thellësisht serioz nga Moska”.
Rusia dha një paralajmërim muajin e kaluar kur ish-presidenti Dmitry Medvedev kërcënoi se “Dita e Gjykimit do të presë menjëherë” nëse Ukraina do të shënjestronte Krimenë.
Zelensky nuk iu referua shpërthimeve në fjalimin e tij të martën, por foli gjatë për gadishullin, duke thënë: “Ne nuk do të harrojmë se lufta ruse kundër Ukrainës filloi me pushtimin e Krimesë”.
“Kjo luftë ruse…filloi me Krimenë dhe duhet të përfundojë me Krimenë – me çlirimin e saj”, tha ai.
Vërejtjet e fundit të Zelensky sugjerojnë se ai beson se Ukraina duhet të rimarrë gadishullin përpara se lufta të përfundojë – por në të kaluarën ai ka thënë gjëra të ndryshme për këtë çështje.
Ai më parë tregoi se Ukraina mund të pranonte paqen nëse Rusia kthehej në pozicionet e saj përpara 24 shkurtit, që do të thotë se rimarrja e Krimesë nuk do të konsiderohej një kërkesë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Izraeli godet ndërtesën e përdorur nga Hezbollahu në Liban
Kinezja që i telefononte të dashurit deri në 100 herë në ditë diagnostikohet me një sëmundje të padëgjuar më parë
Komandanti i Azov kritikoi Zelenskyn: Ne nuk kemi qasje në armët perëndimore, po e mbrojmë vendin me gjak
Digjet një fabrikë teknologjike në Berlin - ajo prodhon një armë të fuqishme të mbrojtjes ajrore, kishte furnizuar edhe Ukrainën
Amerikani u kthye nga varrimi i xhaxhait dhe gjeti të bijën duke luajtur letra – pyeti kush fiton dhe përgjigja e tmerroi
Komandanti i Azov kritikoi Zelenskyn: Ne nuk kemi qasje në armët perëndimore, po e mbrojmë vendin me gjak
Trupat ruse hyjnë në bazën ajrore në Nigeri, ku janë të stacionuar ushtarët amerikanë
Biden i quan "ksenofobike" Indinë dhe Japoninë
Ushtria ukrainase njofton se nuk ka trupa ruse në Chasiv Yar
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe