Liverpooli i gatshëm të thyej rekordin e klubit për të nënshkruar me Bellingham

Liverpool thuhet se është i gatshëm të paguajë një ‘tarifë të konsiderueshme’ kur Jude Bellingham të bëhet i disponueshëm verën e ardhshme.

Bellingham është një nga talentët më të ndritur të futbollit dhe anglezi është subjekt i interesit nga disa prej klubeve më të mira evropiane.

Anglezi ka bërë 133 paraqitje për ekipet seniore në moshën 19-vjeçare dhe përshkruhet nga shumë si ‘i pjekur për moshën e tij’.

Mesfushori i ri është paraqitur tashmë 15 herë për ekipin kombëtar dhe pritet të luajë një rol kyç me Anglinë në Kupën e Botës këtë dimër, pasi ka bërë përshtypje sa herë që ka veshur fanellën e Tre Luanëve.

Borussia Dortmund e di se nuk do të jetë në gjendje ta mbajë Bellinghamin për shumë më gjatë, por do të duhet një ofertë stratosferike për ta larguar atë nga Gjermania.

Sipas raporteve nga Liverpool Echo, Liverpooli do të ishte i gatshëm të ‘thyente bankën’ në mënyrë që të sillte Bellingham në Merseyside.

Raportet sugjerojnë se Dortmundi do të dëshirojë të paktën 103 milionë funte apo 120 milionë euro dhe disa klube do të ishin të gatshëm të shkojnë mbi këtë shumë.

Lexo po ashtu Katër gjigantët evropianë të gatshëm të shpenzojnë deri në 120 milionë euro për Jude Bellingham

Liverpooli thuhet se është i gatshëm të paguajë ‘tarifën e konsiderueshme’ për të sjellë 19-vjeçarin në klub, por do të përballet me konkurrencë të ashpër nga Manchester City dhe Paris Saint-Germain.

Raportet e fundit kanë sugjeruar se Liverpooli nuk do të kërkojë të nënshkruajë me Bellingham deri vitin e ardhshëm, pasi ka shpenzuar tashmë 85 milionë funte për Darwin Nunez këtë verë.

Por, Bellingham thuhet se është ‘i prirur’ për një lëvizje në Anfield dhe Liverpooli është i gatshëm të paguajë gjithçka për ta sjellë atë në klub. /Telegrafi/