Muriqi niset për Belgjikë, do ta kompletojë transferimin te Club Brugge

Vedat Muriqi është nisur për në Belgjikë, atje ku sulmuesi kosovar do të nënshkruajë për Club Brugge në elitën e futbollit belg.

Para nisjes nga Turqia, ai ka dhënë një intervistë për A Spor në gjuhën turke, ku ka konfirmuar shkuarjen e tij në Belgjikë.

Club Brugge do të paguajë 11 milionë euro për sulmuesin tonë te Lazio, duke u bërë lojtari më i shtrenjtë në histori të klubit.

“Është nder të jem aq shumë i kërkuar në një vend, të jesh futbollisti më i shtrenjtë në historinë e një klubi. Unë i zgjedh fjalët sepse ende nuk është zyrtare”, ka thënë fillimisht Muriqi.

Ai foli edhe për periudhën e kaluar te Mallorca, duke thënë se paraqitja e tij në Spanjë ishte shumë e mirë.

“Kam pasur një pjesë të dytë të mirë në Mallorca, paraqitja ime ishte e mirë. Kam pasur disa oferta, kështu që ne kërkuam kontratën më të përshtatshme”, ka thënë sulmuesi shtatlartë.

#ASPORÖZEL 🔥
Vedat Muriqi, Club Brugge ile sözleşme imzalamak için Belçika'ya gidiyor.
Kosovalı golcü A Spor'a açıklamalarda bulundu. pic.twitter.com/mpHtgC7P3Y

— A Spor (@aspor) July 7, 2022

Në fund ai shtoi se do të luftojë si Vedat Muriqi ku do që do të luajë, ndërsa në faqen e tij në twitter i ka falënderuar tifozët e Mallorcas. /Telegrafi/

Gracias @RCD_Mallorca! 🙏 pic.twitter.com/PA974010Ta

— Vedat Muriqi (@MuriqiVedat) July 7, 2022