Ronaldo synon t’i bëjë bashkë Marcelon dhe Dani Alvesin

Legjenda e Barcelonës, Dani Alves thuhet se mund të bashkohet me ish- kapitenin e Real Madridit, Marcelo, si pjesë e planeve ambicioze të legjendës braziliane, Ronaldos.

Sulmuesi legjendar tani është president i skuadrës spanjolle Real Valladolid, i cili është promovuar në La Liga pasi përfundoi si nënkampion në La Liga 2.

Media braziliane UOL Esporte, ka raportuar se Ronaldo po synon lojtarë me përvojë, pasi ai shpreson të bashkojë Alvesin me Marcelon në Valladolid.

Lexo po ashtu Situata me lojtarët e Barcelonës, Messi dhe Neymar për para te PSG, Dembele, Mbappe dhe Real Madridi - Laporta me deklarata bombastike

Dyshja, ndërsa ishin bashkëlojtarë në kombëtare, kanë qenë prej kohësh në anën kundërshtare si pjesë e shumë përplasjeve të tyre në El Clasico mes Barcelonës dhe Real Madridit.

Alves luajti për Barcelonën nga viti 2008 deri në vitin 2016, përpara se të kthehej shkurt nën drejtimin e ish-shokut të skuadrës, Xavit sezonin e kaluar.

Në rikthimin e tij në Nou Camp, ai bëri 17 paraqitje në total, duke shënuar një gol.

Lexo po ashtu 16 vite në Santiago Bernabeu, Marcelo përshëndetet me lot në sy nga Real Madridi

Megjithëse Alves kishte shpresuar të qëndronte në Nou Camp për një sezon të mëtejshëm, Xavi vendosi të mos e zgjaste kontratën me mbrojtësin e djathtë, që do të thotë se ai është i lirë të kërkojë një klub tjetër.

Marcelo gjithashtu kishte shpresuar të qëndronte në Real Madrid, pas një aventure të jashtëzakonshme 15-vjeçare në Santiago Bernabeu.

Ashtu si Barcelona me Alves, Real Madrid vendosi të mos rinovojë kontratën me Marcelon, që do të thotë se ai do të jetë i lirë të luajë për një klub tjetër, për herë të parë që nga janari 2007. /Telegrafi/